Onlayn ictimai-siyasi qəzet
"Ailələr tanıyıram qazı işlətmir ki, aylığı ödəyə bilməyəcək"-deputat
Milli Məclisdə “Qaz təchizatı haqqında” Azərbaycan Respublikası qanununun layihəsi ikinci oxunuşda müzakirəyə çıxarılaraq qəbul olunub.
Musavat.com-un məlumatına görə, iclasda çıxış edən deputat Razi Nurullayev növbəti dəfə narahatlığını bölüşüb: ““Qaz təchizatı haqqında” qanuna edilən dəyişiklik nəticəsində istehlakçıların istifadə edib-etməməsindən asılı olmayaraq müəyyən edilmiş aylıq sabit tarifi ödəməsinə qarşı olduğumu birinci oxunuşda da söyləmişdim. Kasıb-varlı dəxli olmamalıdır. Heç kimə qaz pulsuz çəkilmir. Hər bir vətəndaş xərcini ödəyib qaz çəkdirir. Aydın oldu ki, bu dəyişikliyi rədd edə bilməyəcəyik. Amma bütün izahlarda, şərhlərdə qeyd olunur ki, bunun kasıb əhaliyə təsiri olmayacaq. Əgər bu doğrudan da belədirsə, təklif edirəm ki, qanunda aydın və gizlinsiz göstərilsin ki, bir yaşayış yeri olan ailələrə bu qanun şamil edilməsin. Bilirsiniz nəyə görə? Ailələr tanıyıram, qazı işlətmir ki, aylığı ödəyə bilməyəcək. Qazı çox soyuq olan zaman yandırır, yaxud körpə uşaq olan otaqda yandırır. Ailələr tanıyıram ki, onlar kombini bir neçə saat yandırır və gecələr söndürür ki, yorğanın altında qızınsınlar.”
R. Nurullayev ardınca bildirib: “Bütün bunları nəzərə alaraq, ya mövcud maddələrdən birinə, ya da əlavə bir maddə əlavə edilsin ki, istehlakçılar aydın şəkildə qanunu başa düşsünlər. Mən oxudum, amma tam aydın ifadə edilən maddə tapmadım. Ola bilsin ki, mənim texniki biliklərim yetərincə deyil. Amma istehlakçıların 90 faizinin də texniki bilikləri elə mənim biliklərim qədərdir. Mən əsaslı izahat verilməsini istəyirəm.”
E.Paşasoy,
Musavat.com
XƏBƏR LENTİ
21 Iyun 2025
ŞƏRHLƏRŞƏRH YAZ