Onlayn ictimai-siyasi qəzet
Altay diyarında məktəbli qızlara hamiləlik üçün pul ödəniləcək
Rusiyanın Altay diyarında məktəb, kollec və universitetlərdə təhsil alan hamilə qızlar üçün rəsmi ödənişlər tətbiq edilib.
Musavat.com xarici mediaya istinadla xəbər verir ki, sənədi əhalinin sosial müdafiəsi naziri Nataliya Oskina imzalayıb. Ödənişin məbləği hələlik açıqlanmayıb.
Əvvəllər oxşar tədbirlər artıq Rusiyanın ən azı yeddi regionu, o cümlədən Bryansk, Voronej və Kemerovo vilayətlərində, habelə Çuvaşiyada həyata keçirilib. Orada məktəbli qızlara, kollec və universitet tələbələrinə hamiləlik üçün qeydiyyatdan keçdikdən sonra ödənişlər edilir.
Rusiyanın digər bölgələrində ödənişlər fərqli şəkildə qurulur - məsələn, Vladimir, Saratov və Leninqrad vilayətlərində bütün tələbələrə yardım göstərilir, lakin məktəbli qızlar birbaşa qeyd olunmur.
Müxtəlif bölgələrdə bu cür ödənişlərin məbləği 100 ilə 150 min rubl arasında dəyişir. Udmurtiyada, Stavropol diyarında, Tambov və bu kimi bir sıra regionlarda texniki məktəblərin və kolleclərin hamilə tələbələri, o cümlədən yetkinlik yaşına çatmayanlar üçün ödənişlər verilir.
Bu cür ödənişlər Rusiyada demoqrafik vəziyyətin pisləşməsi, doğum əmsalının ilbəil azalması fonunda gəncləri nəsil artırmağa həvəsləndirmək üçün tətbiq edilir.
Musavat.com
XƏBƏR LENTİ
03 Iyun 2025
ŞƏRHLƏRŞƏRH YAZ