Onlayn ictimai-siyasi qəzet
AZAL təyyarələri Naxçıvana Sünik üzərindən uçur – Rusiyanın "Sputnik"i narahat olub
Ermənistanın Mülki Aviasiya Komitəsi Azərbaycan Hava Yollarına (AZAL) məxsus bəzi təyyarələrin Ermənistan üzərində uçuş marşrutlarının dəyişdirilməsinin səbəblərini açıqlayıb.
Musavat.com Ermənistan mətbuatına istinadən xəbər verir ki, Bakıdan Naxçıvana və əks istiqamətdə mülki uçuşlar adətən Ermənistanın Vayots Dzor və Qeqarkunik bölgələri vasitəsilə həyata keçirilir.
Lakin son vaxtlar bəzi reyslər Ermənistanın Sünik bölgəsi üzərindən həyata keçirilməyə başlayıb.
"Sputnik Ermənistan"ın sorğusuna cavab olaraq, Mülki Aviasiya Komitəsi mülki təyyarələrin uçuşlarının beynəlxalq meyarlar və prosedurlarla tənzimləndiyini bildirib: “Təyyarələrin marşrutunun dəyişdirilməsi bir sıra amillər, xüsusən əlverişsiz hava şəraiti, hava gəmisinin personalının tələbləri, təhlükəsizliyin təmin edilməsi üçün hava gəmilərinin ayrılmasına dair minimum tələblər, habelə hava məkanında müvəqqəti məhdudiyyətlər səbəbindən adi və qəbul edilmiş təcrübədir”.
Bu amillərə əsaslanaraq, bəzi hallarda təyyarə öz marşrutundan yayına bilər: “Azərbaycanın mülki hava gəmiləri istisna deyil, yuxarıda göstərilən hallar onların marşrutdan kənara çıxması üçün mümkün səbəb ola bilər. Bu cür tədbirlər təhlükəsizliyin və nəzarətin təmin edilməsi üçün müəyyən edilmiş prosedurlar çərçivəsində Ermənistanın hava hərəkəti xidmətləri və hava hücumundan müdafiə orqanları ilə razılaşdırıldıqdan sonra həyata keçirilir”.
Komitə həmçinin bildirib ki, İranın hava məkanında vaxtaşırı məhdudiyyətlər qoyulması səbəbindən tranzit uçuşların coğrafiyası dəyişib və bu da öz növbəsində Ermənistan ərazisindən uçuşların artmasına səbəb olur.
CAC vurğulayıb ki, bunlar yalnız texniki, peşəkar və təhlükəsizlik səbəblərinə görə verilən qərarlardır.
Musavat.com
XƏBƏR LENTİ
13 Iyul 2025
ŞƏRHLƏRŞƏRH YAZ