Onlayn ictimai-siyasi qəzet
Los-Ancelesdə komendant saatı tətbiq olundu
Los-Anceles meri Karen Bass davam edən etirazlar və iğtişaşlar səbəbindən şəhərin mərkəzində komendant saatı elan edib.
Musavat.com xarici agentliklərə istinadən xəbər verir ki, mer qərarını mətbuat konfransında açıqlayıb:
"Vandalizmi və talanları dayandırmaq üçün Los-Anceles şəhərinin mərkəzində komendant saatı tətbiq edirəm. Əgər Los-Ancelesin mərkəzində yaşamır və ya işləmirsinizsə, ərazidən uzaqlaşın. Hüquq-mühafizə orqanları komendant saatını pozanları həbs edəcək".
Mer qeyd edib ki, məhdudiyyətlər yerli vaxtla saat 20:00-da (Bakı vaxtı ilə 07:00) qüvvəyə minəcək və səhər saat 06:00-a qədər (Bakı vaxtı ilə 17:00) qüvvədə qalacaq.
Bass qeyd edib ki, komendant saatının bir neçə gün qüvvədə qalması planlaşdırılır.
Musavat.com
XƏBƏR LENTİ
12 Iyun 2025
ŞƏRHLƏRŞƏRH YAZ