Onlayn ictimai-siyasi qəzet
Mariya Zaxarovadan Trampa “ağıl duası” - Birini də Putinə "yazsa" idi...
Musavat.com xəbər verir ki, Rusiya Xarici İşlər Nazirliyinin sözçüsü Mariya Zaxarova növbəti sərt açıqlaması ilə gündəmə gəlib. Bu dəfə Zaxarova ABŞ-ı İranla İsrail arasında alovlanan münaqişəyə müdaxilə etməməyə çağırıb.
“ABŞ-ın İrana qarşı hərbi əməliyyatlara müdaxiləsi nəzarətdən çıxan nəticələrə səbəb ola bilər” – deyə Zaxarova bildirib.
Bizim şərh: Düzdür, bu cür “sülhsevər” çağırışlar diplomatik üslubun bir parçasıdır. Amma burada bir incə məsələ var – bu açıqlamanı edən dövlətin özü artıq 3 il 4 aydır ki, Ukraynaya qarşı elan olunmamış müharibə aparır. Və bu müharibədə təkcə Ukrayna şəhərləri yox, bütöv bir qitə sarsılıb. Rusiya özü Avropada son onilliklərin ən qanlı münaqişəsinin mərkəzinə çevrilib. Bu baxımdan, Zaxarovanın Trampa ünvanladığı “ağıl duası” daha əvvəl öz lideri Vladimir Putinə oxunsaydı, bəlkə də dünya daha sabit olardı.
Sanki bu səhnə bir teatra bənzəyir – səhnədə od-alov içində olan bir aktyor tamaşaçıya “diqqətli ol, yanarsan” deyir.
Sarkazmla desək, Mariya Zaxarova bu dəfə Trampa ağıl vermək əvəzinə, bir az da Kremldəki güzgülərə baxsa pis olmazdı.
Hazırda İran-İsrail toqquşması genişlənmək üzrədir və böyük güclərin – o cümlədən ABŞ və Rusiyanın – bu qarşıdurmaya münasibətləri regionun taleyini müəyyən edəcək əsas faktorlardan biridir.
Musavat.com
XƏBƏR LENTİ
19 Iyun 2025
ŞƏRHLƏRŞƏRH YAZ