Onlayn ictimai-siyasi qəzet
Müharibədə YENİ MƏRHƏLƏ: Rusiya genişmiqyaslı HÜCUMA BAŞLAYIR
Rus qoşunlarının yay hücum əməliyyatı üç əsas istiqamətdə cəmləşə bilər: Pokrovsk, Konstantinovka və Novopavlovka.
Musavat.com xəbər verir ki, bu barədə Müharibənin Öyrənilməsi İnstitutunun (ISW) Rusiya üzrə analitiki Anjelika Evans “RBK Ukraina”ya açıqlamasında bildirib.
Evans qeyd edib ki, son beş ay ərzində Rusiya Velikaya Novosyolka və Orixiv bölgələrindən Pokrovsk-Konstantinovka zonasına hərbi bölmələrini köçürüb. Bu, yeni fəal döyüş mərhələsinə hazırlığın əlaməti ola bilər. Xüsusi diqqət Pokrovsk şəhərinə yönəlib. Ruslar artıq bir ildir ki, bu şəhəri mühasirəyə almaq üçün şərait yaradır və 2025-ci ilin yayında bu səylər daha da gücləndirilə bilər.
Bundan əlavə, Belqorod vilayətinin cənubunda son hücumlar Xarkov vilayətinin şimal hissəsində genişləndirmək cəhdi kimi qiymətləndirilir. Lakin Xarkov istiqamətində son bir il ərzində ciddi irəliləyiş əldə olunmadığını nəzərə alan Evans bu istiqaməti Rusiya üçün aşağı prioritetli hesab edir.
Analitikin sözlərinə görə, 2022-ci ildən bəri Rusiya ordusu sürətli mexanikləşdirilmiş manevr qabiliyyəti göstərməyib. Donetsk vilayətinin ələ keçirilməsi ləng piyada irəliləyişinə əsaslanan uzunmüddətli kampaniyaya çevrilib.
“Vladimir Putinin qələbə konsepsiyası hər gün 1-2 kilometr irəliləyişlə davam edən tükəndirici hücum taktikasına əsaslanır. İtkilər böyükdür, lakin görünür ki, Rusiya komandanlığını bu yanaşma qane edir. Yaxın gələcəkdə Rusiyanın böyük əraziləri tez bir zamanda ələ keçirməsinə imkan verəcək taktika və imkanlarda dəyişiklik gözlənilmir”, – deyə Evans izah edib.
Evans onu da vurğulayıb ki, qarşıdakı həftələr və ya aylar ərzində Rusiya qüvvələri Dnepropetrovsk vilayətinə daxil olmağa cəhd edə bilər. Bu vilayətin inzibati sərhədi rus mövqelərindən cəmi üç kilometr məsafədə yerləşir. Lakin son aylar ərzində əldə olunmayan irəliləyiş və Ukrayna Silahlı Qüvvələrinin, xüsusilə də dronlardan istifadəni əhatə edən müdafiə imkanlarının qorunub saxlanılması səbəbindən, bu irəliləyişin Donetskdəki kimi ləng və uzanan olacağı ehtimal olunur.
Qərb mənbələri əvvəllər Rusiyanın yayda hücumları davam etdirmək niyyətində olduğunu, əsas diqqətin Ukraynanın şərqindəki ərazilərin ələ keçirilməsinə yönəldiləcəyini bildirib. Bundan əlavə, Vladimir Putin yaxın vaxtlarda Ukrayna ilə sərhəddə “təhlükəsizlik bufer zonasının” yaradılması niyyətini açıqlayıb.
Musavat.com
ƏLAQƏLİ XƏBƏRLƏR
XƏBƏR LENTİ
23 May 2025
ŞƏRHLƏRŞƏRH YAZ