Onlayn ictimai-siyasi qəzet
Odessa limanına raket zərbəsi – Rusiya hücumu can aldı, yaralılar var
Rusiya Silahlı Qüvvələri bu gün Ukraynanın Odessa limanına iki ballistik raketlə zərbə endirib.
Musavat.com xəbər verir ki, bu barədə Odessa vilayət hərbi administrasiyasının rəhbəri Oleq Kiper məlumat yayıb.
Raket hücumu nəticəsində bir liman işçisi həlak olub, səkkiz nəfər isə yaralanıb. Onlardan dördünün vəziyyəti ağır, ikisi orta ağır, digər iki nəfər isə yüngül bədən xəsarətləri alıb.
Kiperin sözlərinə görə, hücum mülki infrastruktura yönəlib və bu, Rusiyanın beynəlxalq humanitar hüququ pozmaqda davam etdiyini göstərir.
Hücum beynəlxalq ictimaiyyətin də diqqətini çəkib və bir sıra ölkələr bu cür hücumları pisləyərək mülki şəxslərə qarşı zorakılığın dayandırılmasını tələb edib. Odessa limanı isə həm strateji, həm də iqtisadi baxımdan Ukrayna üçün həyati əhəmiyyət daşıyır.
Musavat.com
XƏBƏR LENTİ
24 May 2025
23 May 2025
ŞƏRHLƏRŞƏRH YAZ