Onlayn ictimai-siyasi qəzet
Restorandan çıxan xanımların başına iş gəldi
Bakının məşhur restoranlarından birindən çıxan xanımların başına iş gəlib. Onlar soyğunçuluqla üzləşiblər.
Musavat.com xəbər verir ki, restorana müştəri kimi gələn xanımlar çıxışda avtomobillərinə əyləşən zaman bir nəfər maşının arxa qapısını açaraq əl çantasını götürərək qaçıb. Çantanın sahibi olan xanım həmin şəxsin arxasınca qaçıb. Bu zaman diqqəti yayınan şəxs yıxılıb. Xanımın yaxınlaşdığını görən şəxs çantanı yerə ataraq hadisə yerindən uzaqlaşıb.
Araşdırma zamanı hadisəni törədən şəxsin 23 yaşlı Rəvan (ad şərtidir) olduğu müəyyən edilib.
Polis əməkdaşları tərəfindən yaşadığı ünvanda saxlanılan Rəvan deyib ki, “Bolt”da kuryer işləyib. O, maddi imkanı zəif olduğu üçün bu yola əl atdığını deyib. Bildirib ki, restorana bir neçə dəfə kuryer kimi gələn zaman oraya imkanlı, pullu şəxslərin müştəri kimi gəldiyini görüb. Buna görə də qərarlaşdırıb ki, çıxan müştərilərdən birinin çantasını götürərək pul əldə edə bilər.
Zərəçəkmiş xanım Rəvanı bağışlayıb. Rəvan da əməlindən peşman olduğunu deyib.
Məhkəmə Rəvan barəsində 2 il 9 ay azadlığın məhdudlaşdırılması cəzası təyin edib.
Musavat.com
XƏBƏR LENTİ
18 Iyul 2025
17 Iyul 2025
ŞƏRHLƏRŞƏRH YAZ