Onlayn ictimai-siyasi qəzet
TƏCİLİ: Rusiyada hava limanları BAĞLANDI - İnternet KƏSİLDİ
Rusiya Federal Hava Nəqliyyatı Agentliyinin rəsmi nümayəndəsi Artem Korenyakonun verdiyi məlumata görə, Moskva yaxınlığındakı Domodedovo və Jukovski hava limanlarında uçuşlar məhdudlaşdırılıb.
Musavat.com xəbər verir ki, bu məhdudiyyətlər təhlükəsizlik tədbirləri çərçivəsində tətbiq edilib.
Eyni zamanda, İvanovo, Vladimir və Kaluqa şəhərlərindəki hava limanlarında da uçuşlara məhdudiyyətlər qoyulub. Rusiya Müdafiə Nazirliyinin məlumatına görə, bu tədbirlər 21 may səhər saatlarında Ukrayna Silahlı Qüvvələrinin pilotsuz uçuş aparatları (PUA) ilə həyata keçirdiyi hücumlara cavab olaraq təhlükəsizlik məqsədilə tətbiq edilib.
Mərkəzi Rusiyanın bir sıra bölgələrində, o cümlədən Moskva və Moskva ətrafında mayın 21-də mobil internet xidmətlərində geniş miqyaslı nasazlıqlar müşahidə olunub. Downdetector və "Sboy.rf" monitorinq xidmətlərinin məlumatlarına görə, MTS, T2, "Megafon" və "Beeline" kimi əsas mobil operatorların istifadəçiləri internetə çıxışda və zənglərdə problemlər yaşayıblar.
Vladimir, Tula, Saransk, Arxangelsk, Murmansk və Lipetsk vilayətləri, Krasnodar diyarı və Moskva ətrafındakı Klin, Korolyov, Şçolkovo və Balaşixa şəhərlərində yaşayan sakinlər internetə çıxışda çətinliklər barədə məlumat veriblər. Moskva vilayətində mobil internetə çıxış gecədən etibarən mümkün olmayıb.
"Beeline" şirkəti Moskva vilayətində rabitə problemlərinin olduğunu təsdiqləyib və bu problemlərin operatorun nəzarətindən kənar səbəblərlə əlaqəli olduğunu bildirib. "Megafon" şirkəti də oxşar şəkildə xarici səbəblərdən dolayı çətinliklərin yarandığını qeyd edib.
Telegram, YouTube, Instagram və TikTok kimi platformalara da çıxışda problemlər yaşanıb. "Mash" monitorinq məlumatlarına istinadən yazır ki, "Goskluç" xidməti, "Kontur" sistemi və "Steam" oyun platformasında da nasazlıqlar qeydə alınıb.
Səhər saatlarında Lipetsk vilayətində mobil internetin Ukrayna Silahlı Qüvvələrinin PUA hücumları səbəbilə söndürüldüyü məlum olub. Vilayətin qubernatoru İqor Artamonov vəziyyət imkan verdiyi anda mobil internetin bərpa olunacağını və stasionar internetin, eləcə də Wi-Fi bağlantılarının normal rejimdə işlədiyini bildirib. O, sakinləri bu məhdudiyyətlərə anlayışla yanaşmağa çağırıb.
Musavat.com
XƏBƏR LENTİ
21 May 2025
ŞƏRHLƏRŞƏRH YAZ