Onlayn ictimai-siyasi qəzet
YouTube-da avtomatik dublyaj dövrü başladı
YouTube platforması videoların fərqli dillərə tərcüməsini həyata keçirən yeni avtomatik dublyaj funksiyasını istifadəyə verib.
Musavat.com xəbər verir ki, bu yenilik Google-un süni intellekt əsaslı Gemini texnologiyasına əsaslanır və tərcümə zamanı danışanın orijinal səs tembri, emosional tonu və intonasiyası qorunur.
Bu xüsusiyyət sayəsində kontent müəllifləri videolarını bir neçə dildə təqdim edə biləcək, nəticədə onların auditoriyası əhəmiyyətli dərəcədə genişlənəcək. Sistem səsi təbii və real səslənməsi üçün fərdi xüsusiyyətləri də saxlayır.
Yeni imkan hazırda sınaq mərhələsindədir və yalnız seçilmiş kontent yaradıcıları üçün əlçatandır. Google şirkəti yaxın aylarda funksiyanın bütün istifadəçilərə açılacağını bildirib.
Musavat.com
XƏBƏR LENTİ
21 Oktyabr 2025
ŞƏRHLƏRŞƏRH YAZ