Onlayn ictimai-siyasi qəzet
Türkiyə İsrailin Suriyadan İranı vurmasını əngəlləyə bilər?
Azərbaycanın İsraildəki səfiri Muxtar Məmmədov “The Jerusalem Post”a açıqlamasında belə deyib: “Azərbaycan Türkiyəyə çox yaxındır və İsrailin dostudur. Biz sizin (Türkiyə və İsrailin) aranızda münasibətlərin müsbət inkişafını görmək istəyirik və bunu dəstəkləməyə hazırıq”.
Bildiyiniz kimi, Bakıda Türkiyə ilə İsrail arasında danışıqlar gedir. İsrail mənbələrinin açıqlamasına görə, danışıqlar “pozitiv atmosferdə” cərəyan edir.
Muxtar Məmmədov
Əminəm ki, Azərbaycan tərəflərin yenidən bir araya gəlməsi üçün mümkün olan hər bir şeyi edəcək. Çünki Azərbaycanın dövlət maraqları Türkiyə ilə İsrail arasında xoş münasibətlərin olmasını tələb edir. Çünki hər iki ölkə ilə münasibətlərimiz strateji xarakter daşıyır. Orası da var ki, Türkiyə-İsrail münasibətlərinin gərginləşməsi heç bir ölkəyə sərf etmir. Zatən hər iki ölkə də bu həqiqəti açıq şəkildə dilə gətirir. Türkiyənin də, İsrailin də diqqət etməli olduğu daha önəmli beynəlxalq məsələlər var.
Qətərə bağlı və gizli məlumatlara girişi ilə seçilən “Middle East Eye” saytı yazır ki, baş nazir Benyamin Netanyahu İsrail rəsmilərinə “Türkiyə öz hərb maşınını orada yerləşdirməzdən əvvəl İsrailin T4 (T4 Tiyasda yerləşən keçmiş Suriya hərbi hava bazasıdır) bazasına zərbə endirmək üçün məhdud pəncərəsi” olduğunu dediyini iddia edən “iki qərb rəsmisinə” istinad edib. Baş nazir onu da vurğulayıb ki, türk qüvvələri Suriyadakı həmin hərbi bazaya yerləşdirildikdən sonra o baza əməliyyatlar üçün İsrailin hədəf siyahısından çıxarılacaq.
T4 bazasına Türkiyənin Rusiya istehsalı olan S-400 havadan müdafiə sistemi yerləşdirməsi də nəzərdə tutulub. Türkiyə həmin bazanı qırıcı, dron və raket hücumundan qorumaq üçün bir neçə qatlı müdafiə sistemi yaratmaq fikrindədir...
Qətərə məxsus sayt bildirir ki, İsrailin Türkiyə qüvvələrinin, xüsusən də hava hücumundan müdafiə sistemlərinin Suriyada yerləşdirilməsindən həm də ona görə narahatdır ki, İsrailin İrana zərbələr endirmək üçün əvvəllər istifadə etdiyi hava dəhlizi bağlana bilər. Bu isə gələcəkdə İsrailin İranın nüvə obyektlərinə havadan zərbə endirməsinə imkan verməyəcək.
Söhbət ondan gedir ki, əvvəllər İsrail İranı Suriyanın hava məkanından keçərək bombalayırdı. Suriyanın havadan müdafiə sistemi son dərəcə zəif olduğuna görə İsrail bu ölkənin hava məkanında istədiyini edirdi. Ancaq Türkiyənin havadan müdafiə sistemləri üst səviyyədə olduğuna görə İsrail qırıcı və doronların vura bilər. Bu isə İsrail üçün arzuolunan deyil. Ona görə də Türkiyə-İsrail danışıqlarında bu kimi məsələlər də müzakirə üçün masaya qoyulacaq.
https://allisrael.com/israel-and-turkey-reportedly-establishing-direct-line-to-avoid-confrontation-in-syria?fbclid=IwY2xjawJmEL1leHRuA2FlbQIxMQABHt3TGVq7F9Yh-5g_X7zmhNHr7mnLCjrJhmqeZqCCI269ce0lKN8kzxo4JqQB_aem_wzLXYb2suRFG_vXBxfweng
Elbəyi HƏSƏNLİ, SÜRİX 
YAZARIN DİGƏR YAZILARI
28 Aprel 2025
25 Aprel 2025
22 Aprel 2025
18 Aprel 2025
14 Aprel 2025
13 Aprel 2025
12 Aprel 2025
11 Aprel 2025
10 Aprel 2025
07 Aprel 2025
06 Aprel 2025
05 Aprel 2025
03 Aprel 2025
31 Mart 2025
21 Mart 2025
20 Mart 2025
18 Mart 2025
17 Mart 2025
15 Mart 2025
14 Mart 2025
13 Mart 2025
12 Mart 2025
11 Mart 2025
10 Mart 2025
08 Mart 2025
07 Mart 2025
06 Mart 2025
05 Mart 2025
ŞƏRHLƏRŞƏRH YAZ