Onlayn ictimai-siyasi qəzet
2 aydan sonra... - Pensiyalarla bağlı vacib xəbər
Gələn il pensiya kapitalı artırılacaq.
Musavat.com xəbər verir ki, bunu deputat Vüqar Bayramov bildirib.
"Əmək Pensiyaları haqqında" Qanuna əsasən, 2026-cı ildə yalnız pensiyalar deyil, vətəndaşların pensiya kapitalı da indeksləşdirilərək artırılacaq.
Onun sözlərinə görə, qanunun 29.1-1 maddəsinə əsasən, sığortaolunanların fərdi hesablarında qeyd olunan pensiya kapitalı hər il istehlak qiymətləri indeksinə uyğun şəkildə yenilənir. Bu o deməkdir ki, pensiya kapitalı 2025-ci ilin inflyasiya səviyyəsinə əsasən artırılacaq.
Deputat qeyd edib ki, Mərkəzi Bankın yeni proqnozuna görə, bu il inflyasiya təxminən 6 faiz olacaq. Dövlət Statistika Komitəsinin məlumatına əsasən, ilin ilk doqquz ayında qiymət artımı 5,7 faiz təşkil edib.
"Əgər proqnoz dəyişməzsə, vətəndaşların pensiya kapitalı təxminən 6 faiz artırılacaq. Məsələn, 50 min manat pensiya kapitalı olan şəxsin vəsaiti gələn il təxminən 3 min manat artacaq. Dəqiq rəqəm isə yanvarda açıqlanacaq," - deyə Bayramov əlavə edib.
Deputat vurğulayıb ki, bu artım gələcəkdə pensiyaya çıxan şəxslərin daha çox məbləğ almasına və yığılan kapitalın inflyasiyadan qorunmasına imkan verəcək.
Musavat.com
XƏBƏR LENTİ
27 Oktyabr 2025
ŞƏRHLƏRŞƏRH YAZ