Onlayn ictimai-siyasi qəzet
ABŞ Maduroya görə 50 milyon dollar mükafat təyin etdi
Birləşmiş Ştatlar Venesuela prezidenti Nikolas Maduronun tutulmasına yardım edənə 50 milyon dollar mükafat vəd edib.
Musavat.com xəbər verir ki, ABŞ-nin Baş prokuroru Pam Bondi bildirib ki, Maduro ölümcül narkotiklərin və zorakılığın yayılmasında xarici terror təşkilatları ilə əməkdaşlıq edir.
“Bu günə qədər ABŞ-ın Narkotiklərlə Mübarizə İdarəsi (DEA) Maduro və onun şəbəkəsi ilə əlaqəli 30 ton kokain, o cümlədən birbaşa Maduronun özü ilə əlaqəli təxminən 7 ton kokain ələ keçirib. Bu narkotik ticarəti Venesuela və Meksikada fəaliyyət göstərən təhlükəli kartellər üçün əsas gəlir mənbəyidir,” – deyə Pam Bondi açıqlamasında vurğulayıb.
ABŞ rəsmiləri bu addımı “tarixi mükafat” kimi dəyərləndirir və beynəlxalq ictimaiyyəti Maduronun məsuliyyətə cəlb olunmasında əməkdaşlığa çağırır.
Musavat.com
XƏBƏR LENTİ
08 Avqust 2025
ŞƏRHLƏRŞƏRH YAZ