Onlayn ictimai-siyasi qəzet
Aİ: Serbiya geostrateji seçim qarşısındadır
Avropa İttifaqı Serbiyaya son ultimatimunu verir.
Musavat.com xarici agentliklərə istinadən xəbər verir ki, belə bir açıqlama Serbiya Prezidenti Aleksandr Vuçiçin Aİ-nin xəbərdarlıqlarını nəzərə almadan Moskvada keçirilən Qələbə paradında iştirak etməsindən bir neçə həftə sonra gəlib.
“Serbiya geostrateji seçim qarşısındadır,” – deyə Aİ-nin xarici siyasət üzrə nümayəndəsi Kaya Kallas Belqraddakı səfəri zamanı bildirib. “Serbiyanın Avropa gələcəyi onun müdafiə edəcəyi dəyərlərdən asılı olacaq".
Vuçiçin 9 May tarixində Moskvada keçirilən parada qatılması Brüsseldə geniş tənqid olunub. Aİ rəsmiləri belə addımların Serbiyanın Aİ-yə üzvlük yolunu ciddi şəkildə zədələdiyini qeyd ediblər.
Kaya Kallas bildirib ki, məsələ ilə bağlı Prezident Vuçiçlə görüşündə bu səfəri müzakirə edib:
“Bu barədə fikrimi çox açıq şəkildə bildirdim".
“O insanla – yəni Ukraynada bu dəhşətli müharibəni aparan biri ilə yan-yana dayanmağın nəyə lazım olduğunu həqiqətən anlamıram,” – deyə Kallas əlavə edib.
Musavat.com
XƏBƏR LENTİ
23 May 2025
ŞƏRHLƏRŞƏRH YAZ