Onlayn ictimai-siyasi qəzet
Avropada qaz qiymətləri artıb
Bu ilin doqquz ayında Avropada qazın orta qiyməti keçən ilin eyni dövrü ilə müqayisədə təxminən 25 faiz artaraq 1000 kubmetr üçün 443 dollara çatıb.
Musavat.com xarici agentliklərə istinadən xəbər verir ki, qiymət artımına ötən istilik mövsümündə anbarlardan rekord qaz götürülməsi səbəbilə onların qarşıdakı qış üçün doldurulması üçün daha çox qazın alınma gətirib çıxarıb.
Qeyd edək ki, Avropa mərkəzlərində qazın qiyməti ötən ilin payızında artmağa başlayıb və bu ilin birinci rübündə 1000 kubmetr üçün 509 dollar, ikinci rübdə 420 dollar, üçüncü rübdə isə 399 dollar olub. Ümumilikdə yanvar-sentyabr aylarında qiymətlər ötən ilin müvafiq dövrü ilə müqayisədə 24 faiz artaraq 443 dollara çatıb.
Eyni zamanda, sentyabrda qazın orta qiyməti avqust ayı ilə müqayisədə (təxminən 393 dollar) faktiki olaraq dəyişməyib, lakin 2024-cü ilin sentyabr ayı ilə müqayisədə 5,5 faiz aşağı olub. Avqustun 29-da qaz fyuçersləri 1000 kubmetr üçün 383 dollar civarında ticarət olunduğu halda, sentyabr 30-da 380 dollar səviyyəsində bağlanıb.
Gas Infrastructure Europe-nin (GIE) məlumatına görə, gələn qış üçün Avropada yeraltı anbarlarda (UGS) qaz ehtiyatları 82,5 faizə çatıb. Sentyabrın 28-də Aİ ölkələrində yeraltı anbarlara qaz vurulması 206 milyon kubmetr təşkil edib. Çıxarma 28 milyon kubmetrə qədər azalıb. Anbarlarda yanacağın ümumi həcmi sentyabr ayı üçün rekord göstəricidir və 90,9 milyard kubmetr təşkil edir. Buna baxmayaraq, onlar bir il əvvəlki 94,2 faiz ilə müqayisədə hazırda 82,5 faizdən bir qədər çox doludur (son beş il ərzində bu tarix üçün orta göstəricidən 6,89 faiz bəndi aşağı).
Avropa Komissiyasının yeni tələblərinə görə, Aİ ölkələri hər il oktyabrın 1-dən dekabrın 1-dək öz anbarlarının qazla 90 faiz dolu olmasını təmin etməlidir. Bundan əlavə, çətin doldurma şərtləri halında 10 faiz elastikliyə icazə verilir.
Musavat.com
XƏBƏR LENTİ
01 Oktyabr 2025
ŞƏRHLƏRŞƏRH YAZ