Onlayn ictimai-siyasi qəzet
Britaniyada könüllü xalq birlikləri yaradılır - "Müharibə ərəfəsi" elan edilib
Böyük Britaniyada II dünya müharibəsi zaman istifadə olunmuş könüllü xalq birliklərinin yenidən yaradılması planlaşdırılır.
Musavat.com xəbər verir ki, bu barədə Britaniya mətbuatı yazır. Könüllülər strateji əhəmiyyətli obyektləri qoruyacaqlar. Belə bir addımın arqumentlərindən biri Böyük Britaniyanın “müharibə ərəfəsiində” yaşadığı tezisidir. Leyboristlər partiyası ölkəni militarizasiya etmək cəhdlərində mühafizəkar sələflərinin izini davam etdirir. Könüllülərin özlərini kimə qarşı müdafiə edəcəkləri ilə bağlı bir neçə variant var.
Silahlı qüvvələrlə paralel, oxşar struktura malik könüllü birləşmələr əsas ordudan ayrı fəaliyyət göstərəcəklər. Onların vəzifəsi atom elektrik stansiyalarını, telekommunikasiya vasitələrini, sualtı fiber-optik kabel qoşulma məntəqələrini və hava limanlarını enerji ilə təmin edən elektrik yarımstansiyalarını qorumaqdır.
Jurnalistlər xatırlayırlar ki, müharibə illərində 1,5 milyon nəfərdən ibarət xalq könüllülərinin tərkibinə cəbhə xəttindəki döyüş əməliyyatlarında birbaşa iştirak edə bilməyən gənc və yaşlı britaniyalılar daxil olub. Bu birliklər 1940-cı ildə yaradılıb və 1944-cü ilə qədər mövcud olub.
Hökumət gələcək həftələrdə ideyanı təfərrüatlı şəkildə ortaya qoyacaq müdafiə icmalı yayımlayacaq.
Bu il Britaniyanın hərbi xərclərinin ölkənin ÜDM-nin 2,36%-ni təşkil edəcəyi gözlənilir. London bu rəqəmi ÜDM-in 3%-nə çatdırmağı öhdəsinə götürür.
Musavat.com
XƏBƏR LENTİ
19 May 2025
ŞƏRHLƏRŞƏRH YAZ