Onlayn ictimai-siyasi qəzet
Bud sümüyü sınan 95 yaşlı qadın əməliyyat olundu- Foto
Respublika Klinik Xəstəxanasında 1930-cu il təvəllüdlü qadın pasiyent üzərində riskli əməliyyat icra olunub.
Tibbi Ərazi Bölmələrini İdarəetmə Birliyindən verilən məlumata görə, tibb müəssisəsinə sol bud sümüyünün sınığı səbəbilə müraciət edən 95 yaşlı Savat Quliyevada ürək problemləri, böyrək funksiyasının pozulması (kreatinin yüksəkliyi), bağırsaq problemləri, qanaxma meyilliliyi və s. yan xəstəliklər aşkarlanıb.
Bildirilib ki, ilkin müraciətdə zəruri tibbi xidmətlər göstərilən şəxsə sol bud sümüyünün burmalardan keçən sınığı diaqnozu təyin edilib, xəstəxananın Travmatologiya və ortopediya şöbəsinə yerləşdirilib.
Səhhətində olan yanaşı xəstəliklərə görə bır sıra tibb müəssisələrində cərrahi əməliyyatına imtina verilən 95 yaşlı şəxsin sağlamlıq vəziyyəti bir daha nəzərdən keçirilib. Bir neçə həkim - kardioloq, anestezioloq-reanimatoloq və travmatoloq tərəfindən həyata keçirilən konsiliumdan sonra riskli əməliyyatın icrasına qərar verilib, cərrahi müdaxilə uğurla başa çatıb.
Pasiyent üzərində sol bud sümüyünün osteosintezi əməliyyatı həkim-travmatoloq-ortoped Pərvin Hüseynovun rəhbərliyi, həkim-anestezioloq-reanimatoloq Fatma Əhmədova, assistent Cavid İlyaszadənin iştirakı ilə icra olunub.
Uğurlu baş tutan əməliyyatdan sonra pasiyentin müalicəsi müvafiq şöbədə davam etdirilib və vəziyyəti stabil qiymətləndirildikdən sonra ambulator müalicə üçün evə buraxılıb.
XƏBƏR LENTİ
04 Sentyabr 2025
ŞƏRHLƏRŞƏRH YAZ