Onlayn ictimai-siyasi qəzet
Çarpayının altında gizlənən cinayətkarın polisə dediyi sözlər HƏR KƏSİ GÜLDÜRDÜ
Türkiyənin Bartın vilayətində polis əməkdaşlarının keçirdiyi əməliyyat zamanı film səhnələrini xatırladan maraqlı anlar yaşanıb. Müxtəlif cinayətlərə görə barəsində həbs qərarı olan və uzun müddətdir axtarışda olan 34 yaşlı E.E. polis tərəfindən evdə aparılan axtarış zamanı çarpayının altından tapılıb.
Musavat.com-un yerli KİV-ə istinadən verdiyi xəbərə görə, Bartın İl Təhlükəsizlik Müdirliyinə daxil olan məlumata əsasən, E.E.-nin şəhər mərkəzindəki evlərin birində gizləndiyi müəyyən edilib.
Həmin ünvana gedən polis əməkdaşları evdə axtarış apararkən şübhəli şəxsin izinə çarpayının altında rast gəliblər.
Ən maraqlı məqam isə E.E.-nin polisin “Niyə çarpayının altına girmişdin?” sualına verdiyi cavab olub. Saxlanılan şəxs “Başım gicəllənirdi, uzanmışdım” deməklə polislərin və hadisə şahidlərinin gülüşünə səbəb olub.
Axtarış zamanı heç bir müqavimət göstərməyən E.E. saxlanılaraq Bartın Ədliyyəsinə gətirilib. Hazırda onun barəsində məhkəmə prosesi və hüquqi prosedurlar davam etdirilir.
Qeyd edək ki, E.E.-nin əvvəllər də müxtəlif cinayətlərə görə məhkumluq keçmişi olduğu və daha əvvəl bir neçə dəfə axtarış siyahısına salındığı bildirilir.
Hadisə sosial şəbəkələrdə də geniş müzakirə olunub. İstifadəçilər həm polisin peşəkar əməliyyatını, həm də şübhəlinin qəribə ifadəsini ironik tərzdə şərh ediblər.
Musavat.com
XƏBƏR LENTİ
20 May 2025
ŞƏRHLƏRŞƏRH YAZ