Onlayn ictimai-siyasi qəzet
HƏMAS 90, İsrail 60 deyir – Tərəflər hələ razılığa gələ bilməyib
Fələstinin Həmas hərəkatı Qəzza zolağı danışıqları çərçivəsində anklavda 90 günlük atəşkəs tələb edib, İsrail isə 60 gün müddətində israr edir.
Musavat.com xəbər verir ki, bu iddia ilə “Əl Ərəbiyyə” telekanalı çıxış edib.
Telekanalın mənbələrinə görə, İsrail hakimiyyəti 10 canlı girovun eyni vaxtda azad edilməsini tələb edib, HƏMAS isə hazırda əsirləri iki mərhələdə azad etməyi planlaşdırır. Hərəkat həmçinin ABŞ administrasiyasından girovların azad edilməsi üçün məcburi şərt kimi atəşkəs zamanı danışıqların davam etdirilməsinə zəmanət istəyib. Radikallar ABŞ prezidentinin xüsusi elçisi Stiven Vitkoff-un gələcək sazişi imzalamasını istəyirlər, o, həmçinin HƏMAS-ın israr etdiyi kimi, Qəzza ilə bağlı razılaşmaların əldə olunduğunu rəsmən elan etməlidir. Eyni zamanda, “Əl Ərəbiyyə” mənbələri əmindirlər ki, yaraqlılarla İsrail arasında mövcud fikir ayrılıqları atəşkəs və girovların azad edilməsi ilə bağlı “məsləhətləşmələrin davam etdirilməsinə və sazişin bağlanmasına mane olmur”.
Bundan əvvəl, mayın 28-də hərəkat Qəzza zolağı ilə bağlı Vitkoff ilə razılığa gəldiyini açıqlamışdı: onun çərçivəsində radikallar 10 israilli girovu azad etməyə və ölənlərdən bir neçəsinin cəsədini təhvil verməyə hazırdırlar. Hərəkatın neçə ölü girovu təhvil verməyə hazır olduğu barədə məlumat yoxdur. Hazırda radikallar öz təkliflərinə “yekun cavabı gözləyirlər”.
Musavat.com
XƏBƏR LENTİ
30 May 2025
29 May 2025
ŞƏRHLƏRŞƏRH YAZ