Onlayn ictimai-siyasi qəzet
Trampdan Qətərdən aldığı 400 milyonluq hədiyyəyə reaksiya: “Yox desəydim, axmaq olardım”
ABŞ Prezidenti Donald Tramp Qətər kral ailəsinin ona təqdim etmək istədiyi 400 milyon dollar dəyərindəki lüks “Boeing 747-8” təyyarə hədiyyəsinə münasibət bildirib.
Musavat.com xəbər verir ki, Tramp bu jesti yüksək qiymətləndirərək, jurnalistlərin suallarını cavablandırıb:
“Məncə, bu, Qətərin çox gözəl jestidir. Mən bunu çox yüksək qiymətləndirirəm. Belə bir təklifi rədd etməzdim. Axı mən axmaq ola bilərdimmi, əgər desəydim ki, ‘xeyr, bizə bu qədər bahalı, pulsuz bir təyyarə lazım deyil?’”
Bu açıqlama Trampın Yaxın Şərqə planlaşdırılan səfəri öncəsində, Ağ Evdə jurnalistlərə verdiyi müsahibə zamanı səsləndirilib.
Xatırladaq ki, dünən “ABC News” kanalı Qətər krallıq ailəsinin Trampa “Air Force One” kimi istifadə edə biləcəyi və sonradan onun prezident kitabxanasına hədiyyə ediləcək 400 milyon dollarlıq xüsusi təyyarə vermək istədiyini yazmışdı. Məlumata görə, təyyarə ABŞ Hərbi Hava Qüvvələri tərəfindən təhlükəsizlik və xüsusi rabitə sistemləri ilə təchiz ediləcək.
Lakin bu jest ABŞ daxilində ciddi müzakirələrə səbəb olub. Demokratlar məsələyə etiraz edərək bu hədiyyəni “xarici premium təsir və korrupsiya nümunəsi” adlandırıblar. ABŞ Senatının Demokrat üzvü Çak Şumer bu barədə bildirib:
“Bu, sadəcə rüşvət deyil, bu, xarici güclərin Tramp administrasiyasına birbaşa premium təsir göstərməsidir.”
Hüquqi müstəvidə isə Pentaqonun belə bir hədiyyəni qəbul edib, sonradan Trampın prezident kitabxanasına təhvil verməsinin qanunlara zidd olmadığı qeyd olunur.
Qeyd edək ki, bu hadisə Trampın ikinci prezidentlik dönəmində ilk böyük xarici hədiyyə qalmaqalı kimi qiymətləndirilir.
Musavat.com
XƏBƏR LENTİ
13 May 2025
ŞƏRHLƏRŞƏRH YAZ