İnsanlara hürriyət, millətlərə istiqlal!

ABŞ BMT-yə Qəzzada beynəlxalq qüvvələrin yerləşdirilməsinə dair qətnamə təqdim edib

ABŞ rəsmiləri BMT Təhlükəsizlik Şurasında bir neçə ölkəyə Qəzza zolağında ən azı iki il müddətinə beynəlxalq sabitləşdirmə qüvvəsinin yerləşdirilməsini nəzərdə tutan qətnamə layihəsi təqdim ediblər.

Musavat.com Axios portalına istinadən xəbər verir ki, layihədə " uzadılma ehtimalı ilə ABŞ-a və digər iştirakçı ölkələrə Qəzza zolağını idarə etmək və 2027-ci ilin sonuna qədər təhlükəsizliyi təmin etmək üçün geniş səlahiyyətlər" nəzərdə tutulur. ABŞ rəsmisi sənədin yaxın günlərdə BMT Təhlükəsizlik Şurasında müzakirə olunacağını dəqiqləşdirib. Vaşinqton administrasiyası qətnamə ilə bağlı daha sonra səsvermənin keçirilməsini və beynəlxalq qüvvələrin Fələstin anklavına yerləşdirilməsinin yanvar ayına qədər başlamasını istəyir.

Layihə sənədində "Qəzza zolağının İsrail və Misirlə sərhədlərinin təhlükəsizliyini təmin edəcək, mülki şəxsləri və humanitar dəhlizləri qoruyacaq və əməkdaşlıq edəcəkləri yeni Fələstin polis qüvvələrini yetişdirəcək" beynəlxalq qüvvənin yaradılması nəzərdə tutulur. Bu qüvvələr həmçinin "hərbi, terrorçu və hücum infrastrukturunun məhv edilməsi və yenidən qurulmasının qarşısının alınması da daxil olmaqla Qəzza zolağını silahsızlaşdırmaq", eləcə də anklavda fəaliyyət göstərən qruplardan silahların müsadirə edilməsindən məsul olacaqlar.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

04.11.2025 62

Azərbaycan və Əlcəzair XİN başçılarının görüşü başladı
04.11.2025 287

Paşinyandan Rusiya əleyhinə əzici demarş
04.11.2025 387

Ərdoğan İrəvana səfər edəcək? - Paşinyan AÇIQLADI

XƏBƏR LENTİ

04 Noyabr 2025

BÜTÜN XƏBƏRLƏR