Onlayn ictimai-siyasi qəzet
ABŞ-da nüvə enerjisinə 80 milyard dollar yatırım ediləcək – AÇIQLAMA
ABŞ-ın Westinghouse Electric, Brookfield Asset Management və Kanadanın Cameco şirkəti ABŞ hökuməti ilə ölkədə ən azı 80 milyard dollar dəyərində nüvə reaktorları qurmaq üçün tərəfdaşlıq edəcəklər.
Musavat.com xəbər verir ki, məlumat şirkətlərin birgə açıqlamasında əksini tapıb.
Açıqlamada qeyd olunur ki, reaktorlar Westinghouse texnologiyasına əsaslanacaq və süni intellekt (Sİ) potensialının yerləşdirilməsini sürətləndirməyə kömək edəcək. ABŞ Ticarət naziri Hovard Latnik deyib: "Administrasiyamız qabaqcıl nüvə texnologiyalarının sürətli inkişafını, yerləşdirilməsini və istifadəsini təmin etməyə yönəlib. Bu tarixi tərəfdaşlıq milli təhlükəsizlik məqsədlərimizi dəstəkləyir və vacib infrastrukturumuzu gücləndirir."
Energetika naziri Kris Rayt isə bildirib ki, "Amerikanın aparıcı nüvə şirkəti ilə bu tarixi tərəfdaşlıq Prezident DonaldTrampın Amerika üçün hərtərəfli enerji təchizatı və qlobal İİ yarışında qalib gəlmək kimi iddialı vizyonunu həyata keçirməyə kömək edəcək: “Prezident Tramp nüvə enerjisi intibahı vədi vermişdi və o, bu vədi yerinə yetirir".
Açıqlamaya görə, tərəfdaşlığa mənfəətin bölüşdürülməsi mexanizmi daxildir. Bundan əlavə, hökumət, şirkətdə pay almaq şərtləri yerinə yetirilərsə və 2029-cu ilin yanvar ayına qədər həmin payın dəyəri 30 milyard dollara çatarsa və ya onu keçərsə, Westinghouse-dan açıq olmasını tələb edə bilər.
Cameco və Brookfield Renewable Partners şirkətləri Westinghouse-ın 2023-cü ildə borc da daxil olmaqla 7,9 milyard dollar dəyərində satın alınmasını başa çatdırıblar. 2018-ci ildə Brookfield Business Partners şirkəti iflas proseduru çərçivəsində Toshiba-dan 4,6 milyard dollara satın alıb.
Açıqlamadan sonra Cameco-nun səhmləri Nyu-York birjasında 21 faiz bahalaşıb.
Musavat.com
XƏBƏR LENTİ
29 Oktyabr 2025
28 Oktyabr 2025
ŞƏRHLƏRŞƏRH YAZ