Onlayn ictimai-siyasi qəzet
ABŞ Pezeşkianın oğluna viza vermədi
ABŞ hökuməti İran prezidenti Məsud Pezeşkianın oğlu Yusif Pezeşkiana BMT Baş Assambleyasının iclasında iştirak etmək üçün viza verməkdən imtina edib.
Musavat.com xəbər verir ki, bu barədə "Azad İran" Telegram kanalı məlumat yayıb.
Məlumatda bildirilir ki, Yusif Pezeşkian prezidentin nümayəndə heyətinin üzvü kimi Nyu-Yorka səfər etməli idi.
Ancaq Amerika bu il BMT tədbiri üçün iranlı rəsmilərə və onların ailə üzvlərinə viza verilməsinə daha sərt yanaşma göstərib.
Qeyd olunub ki, əvvəlki illərdə də ABŞ administrasiyası İran diplomatlarının Nyu-Yorkdakı fəaliyyətinə, o cümlədən alış-veriş və hərəkət azadlığına ciddi məhdudiyyətlər qoyub.
Eyni zamanda, ABŞ Konqresində İran rəsmilərinə vizaların verilməsinin məhdudlaşdırılmasını nəzərdə tutan qanun layihələri də gündəmdədir.
Musavat.com
XƏBƏR LENTİ
23 Sentyabr 2025
ŞƏRHLƏRŞƏRH YAZ