Onlayn ictimai-siyasi qəzet
Ağ Evdən “Putin Trampı istəyir" açıqlaması - RƏSMİ
Musavat.com xəbər verir ki, ABŞ prezidenti Donald Tramp ətrafında diplomatik fəallıq getdikcə artır. Ağ Evin mətbuat katibi Karolin Levit bu gün rəsmi bəyanatla çıxış edərək, Rusiya prezidenti Vladimir Putinin Trampla görüşmək istədiyini rəsmi şəkildə təsdiqləyib.
“Rusiya tərəfi prezident Trampla görüşmək istədiyini bildirib. O isə həm prezident Putin, həm də prezident Zelenski ilə görüşə açıqdır”, – deyə Levit jurnalistlərə açıqlamasında vurğulayıb.
Bu bəyanat Vaşinqton və Moskva arasında diplomatik kanalların yenidən açıldığını və aktiv dialoqun başladığını göstərir. Ekspertlərin fikrincə, bu Trampın şəxsi diplomatik xəttinin bir hissəsidir və məqsəd Rusiya-Ukrayna müharibəsini ABŞ vasitəçiliyi ilə sona çatdırmaqdır.
Xatırladaq ki, artıq Tramp–Zelenski telefon danışığı baş tutub və bu danışıqda NATO və Avropa liderləri də iştirak edib. İndi isə Rusiya ilə görüşün gündəmdə olması, Trampın iki liderlə də təkbətək masaya oturacağı ehtimalını gücləndirir.
Gözlər indi üçtərəfli görüş tarixinin açıqlanmasına dikilib. Səhnə qurulub, siyasi oyunçular yerini alır.
Musavat.com
XƏBƏR LENTİ
07 Avqust 2025
ŞƏRHLƏRŞƏRH YAZ