Onlayn ictimai-siyasi qəzet
Bu gerçəyi bilənlər gilas almağa qaçır – Görün faydası nə imiş...
Artıq may ayı başa çatmaq üzrədir və bazarların, marketlərin piştaxtalarında gilas öz yerini möhkəmləndirib. Yayın ilk müjdəçilərindən olan bu dadlı və təravətli meyvə alıcıların da böyük marağı ilə qarşılanır. Xüsusilə yerli gilasa tələbat hər il olduğu kimi bu il də artmaqdadır.
Mütəxəssislər gilasın təkcə ləzzətli deyil, həm də sağlamlıq baxımından son dərəcə faydalı bir meyvə olduğunu bildirir.
Onun tərkibində bol miqdarda A, C və K vitaminləri, eləcə də antioksidantlar, lif, kalium və maqnezium mövcuddur. Bu da onu həm immun sistemini gücləndirən, həm də iltihab əleyhinə təsir göstərən bir təbii vasitəyə çevirir.
Gilasın faydaları nələrdir?
İltihab və ağrıya qarşı təsirli: Gilas, xüsusilə tünd rəngli növləri, güclü antioksidantlarla zəngindir. Bu maddələr orqanizmdəki iltihabı azaldır, xüsusilə artrit və oynaq ağrılarından əziyyət çəkənlər üçün tövsiyə olunur.
Yuxunu tənzimləyir: Təbii melatonin mənbəyi olan gilas yuxu problemləri yaşayanlar üçün faydalıdır.
İmmun sistemini gücləndirir: C vitamini ilə zəngin olan gilas soyuqdəymə və infeksiyalara qarşı bədəni qoruyur.
Ürək-damar sağlamlığını dəstəkləyir: Kaliumla zəngin olan bu meyvə qan təzyiqini tənzimləyir, ürək ritmini qoruyur.
Qaraciyər və böyrəklər üçün faydalı: Sidikqovucu xüsusiyyətə malik olan gilas toksinlərin bədəndən atılmasına kömək edir.
Kimlərə xüsusilə faydalıdır?
İnsulin dirənci və şəkər xəstələri: Orta miqdarda qəbul edilərsə, gilasa glisemik indeksi aşağı olduğundan qan şəkərinə kəskin təsir etmir və orqanizmin şəkərə qarşı həssaslığını tənzimləməyə kömək edir.
İdmançılar və aktiv həyat tərzi keçirənlər: Əzələ ağrılarını yüngülləşdirir, məşqdən sonra bərpa prosesini sürətləndirir.
İltihablı xəstəliklərdən əziyyət çəkənlər: Xroniki ağrılarda təbii dəstək vasitəsi kimi qəbul oluna bilər.
Yuxu pozğunluğu yaşayanlar: Melatonin tərkibi yuxunun ritmini bərpa etməyə yardımçı olur.
Mütəxəssislər bildirir ki, gilası təzə halda və mövsümündə qəbul etmək onun faydalarını maksimum şəkildə əldə etməyə imkan verir. Ancaq hər meyvədə olduğu kimi, gilası da normasında yemək vacibdir – gündəlik 100-150 qram kifayət edir.
Yay mövsümündə süfrələrin sevilən qonağı olan gilasla həm dad, həm də sağlamlıq əldə etmək mümkündür. Unutmayın, təbiət öz möcüzələrini zamanında təqdim edir, onlardan düzgün şəkildə faydalanmaq isə bizim əlimizdədir. (Yenisabah.az)
XƏBƏR LENTİ
23 May 2025
22 May 2025
ŞƏRHLƏRŞƏRH YAZ