Onlayn ictimai-siyasi qəzet
İsrail husilərin rəhbərlərinə dəqiq zərbə endirdi – yüksək səviyyəli komandirlər öldürüldü
Musavat.com xəbər verir ki, İsrail Hərbi Hava Qüvvələrinin Yəməndə husilərin nəzarətində olan bölgələrə endirdiyi dəqiq zərbə nəticəsində hərəkatın bir sıra yüksək vəzifəli komandirləri məhv edilib. Hücumun hədəfi husilərin rəhbər qərargahı olub.
Məlumata görə, zərbə zamanı husi hərəkatının siyasi qanadının nüfuzlu simalarından biri və hərbi əməliyyatlara rəhbərlik edən komandirlər öldürülüb. Onların arasında İranla əlaqələri koordinasiya edən şəxslərin də olduğu bildirilir.
İsrailin təhlükəsizlik mənbələri açıqlayıb ki, əməliyyat xüsusi kəşfiyyat məlumatları əsasında həyata keçirilib və məqsəd “husilərin İsrailə və beynəlxalq gəmiçiliyə qarşı hücum imkanlarını məhdudlaşdırmaq” olub.
Husilərə yaxın mənbələr isə itkiləri qismən təsdiqləyiblər, lakin dəqiq adlar açıqlanmayıb. Buna baxmayaraq, Yəmənin paytaxtı Sənada və digər ərazilərdə husilərin yüksək səviyyəli rəhbərlərinin dəfn mərasimlərinin hazırlandığı bildirilir.
Qeyd edək ki, Əhməd Qalib Nəsir ər-Rəhavi, İran rejiminin Husi qrupunun baş naziri İsrail tərəfindən öldürülən rəhbər heyətdədir.
Xatırladaq ki, husilər son aylarda İsrailin Hayfa və Tel-Əviv istiqamətində uzunmənzilli raketlər buraxmış, həmçinin Qırmızı dənizdə beynəlxalq gəmilərə hücumlar təşkil etmişdilər. İsrail bu hücumları regionda təhlükəsizlik və enerji marşrutları üçün birbaşa təhdid kimi qiymətləndirərək cavab əməliyyatlarına başlamışdı.
Musavat.com
ƏLAQƏLİ XƏBƏRLƏR
XƏBƏR LENTİ
29 Avqust 2025
ŞƏRHLƏRŞƏRH YAZ