Onlayn ictimai-siyasi qəzet
İstanbulda Rusiya-Ukrayna danışıqları: Çırağan sarayında təhlükəsizlik tədbirləri gücləndirildi
Rusiya və Ukrayna nümayəndə heyətləri arasında növbəti danışıqların keçirilməsi üçün hazırlıqlar davam edir.
Musavat.com xəbər verir ki, görüş İstanbulun məşhur Çırağan Sarayında baş tutacaq. Saray ətrafında ciddi təhlükəsizlik tədbirləri görülüb, giriş-çıxış məhdudlaşdırılıb və ərazi polis nəzarətinə alınıb.
Kremlin sözçüsü Dmitri Peskov Rusiya nümayəndə heyətinin İstanbul danışıqlarına yola düşdüyünü təsdiqləyib. Rusiya heyətinə prezidentin köməkçisi və danışıqlar üzrə baş nümayəndə Vladimir Medinski rəhbərlik edir.
Peskovun sözlərinə görə, görüş çərşənbə günü planlaşdırılıb və əsas mövzular qarşılıqlı memorandumlardan irəli gələn nizamlama layihələri və qarşılıqlı mübadilələrin davamı ilə bağlı olacaq. O, danışıqların çətin keçəcəyini də etiraf edib, çünki tərəflər tərəfindən təklif edilən memorandumlardakı mövqelər diametral şəkildə ziddiyyətlidir.
Qeyd edək ki, Rusiya və Ukrayna arasında son vaxtlar vasitəçilərin cəlb edilməsi ilə sülh müzakirələrinin yenidən canlandırılması təşəbbüsləri gündəmdədir. İstanbulda keçiriləcək bu görüş isə iki ölkə arasında uzun fasilədən sonra təşkil olunan nadir diplomatik təmaslardan biri kimi qiymətləndirilir.
Musavat.com
XƏBƏR LENTİ
27 Iyul 2025
00:43 İsrail bu gecə Qəzzaya bomba yerinə ərzaq atacaq –C‑130J‑30 təyyarələri səfərbər olunub - FOTO
26 Iyul 2025
ŞƏRHLƏRŞƏRH YAZ