Onlayn ictimai-siyasi qəzet
Londonda üç iranlı qanunu pozmaqda ittiham olunublar
Britaniya prokurorluğu London polisinin terrorla mübarizə bölməsi tərəfindən may ayının əvvəlində saxlanılan üç iranlını Milli təhlükəsizlik haqqında qanunu pozmaqda ittiham edib.
“Report”un TASS-a istinadən verdiyi məlumata görə, bu barədə Scotland-Yardın bəyanatında deyilir.
Britaniya Prokurorluq Xidməti Londonda yaşayan üç iranlı: 39 yaşlı Mostafa Sepahvand, 44 yaşlı Farhad Cavadi Maneş və 55 yaşlı Şapur Kalehali Hani Nuri barəsində ittihamları təsdiqləyib.
"Bu şəxslər 2024-cü il avqustun 14-dən 2025-ci il fevralın 16-na qədər olan müddətdə xarici kəşfiyyat xidmətinin fəaliyyətinə kömək edə biləcək hərəkətləri həyata keçirməkdə və bununla da Milli təhlükəsizlik haqqında qanunun 3-cü maddəsini pozmaqda ittiham olunurlar", - bəyanatda bildirilib.
Mayın 17-də Londonun Vestminster magistrat məhkəməsi onlar barəsində qətimkan tədbiri ilə bağlı qərar qəbul edəcək.
XƏBƏR LENTİ
17 May 2025
ŞƏRHLƏRŞƏRH YAZ