İnsanlara hürriyət, millətlərə istiqlal!

"Mossad casusu" deyib, asdılar - İranda edamlar dayanmır

İran məhkəmə orqanları İsrailin “Mossad” kəşfiyyat xidməti ilə əməkdaşlıqda ittiham olunan bir şəxsin edam edildiyini açıqlayıb.

Musavat.com xəbər verir ki, məlumatı ölkənin rəsmi “Mehr” agentliyi yayıb.

Edam edilən şəxs İranın dövlət qurumlarından birində işləyib və məxfi məlumatlara çıxışı olub. İstintaqın materiallarına əsasən, o, internet vasitəsilə İsrailin “Mossad” xidməti tərəfindən ələ alınıb və daha sonra Avstriyanın paytaxtı Vyanada Mossad agentləri ilə bir neçə dəfə görüşüb.

Ən ciddi ittihamlardan biri həmin şəxsin İsrailin hücumu nəticəsində həlak olmuş tanınmış iranlı nüvə fiziki barədə məlumat ötürməsidir. Bu məlumatın ötürülməsi nəticəsində fizik İsrailin xüsusi əməliyyatı zamanı öldürülüb. İran məhkəməsi bu faktı casusluq və milli təhlükəsizliyə qarşı ağır cinayət kimi dəyərləndirib.

Həmin şəxs, iş yerindəki fəaliyyətlə bağlı hər həftə Mossad-a məxfi hesabatlar göndərib və bunun qarşılığında yüksək məbləğdə pul alıb. Məhkəmə onun dövlətə xəyanət etdiyini bildirərək ölüm hökmü çıxarıb. Hökm artıq icra edilib.

İran tərəfi bu cür casusluq hallarına qarşı “sıfır tolerantlıq” nümayiş etdirdiyini və milli təhlükəsizliklə bağlı məsələlərdə sərt mövqeyini davam etdirəcəyini bəyan edib.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

07.08.2025 193

İranda yüzdən çox jurnalist işdən çıxarıldı
07.08.2025 382

Azərbaycan və Türkiyənin bölgədə artan rolu Rusiyada narahatlıq yaradır – Pinçukun təhlili
07.08.2025 1318

Erməni mediası təşvişdə - Vaşinqtondakı Paşinyana: "Növbəti təslim aktını imzalayacaq”

XƏBƏR LENTİ

08 Avqust 2025

07 Avqust 2025

BÜTÜN XƏBƏRLƏR