Onlayn ictimai-siyasi qəzet
Qarabağ separatçıları ilə işbirliyində olan Avakyan özünü konsulluğun tualetində asıb - DETALLAR
Ermənistan İstintaq Komitəsi “Rosimuşçestvo”nun keçmiş məmuru Boris Avakyanın ölümü ilə bağlı cinayət işi açıb.
Musavat.com bildirir ki, bu barədə Sputnik Ermənistan-a Ermənistan İstintaq Komitəsi məlumat verib.
Xatırladaq ki, sentyabrın 24-də səhər saatlarında Sankt-Peterburqdakı Ermənistan konsulluğunun tualetində 43 yaşlı Ermənistan vətəndaşı Boris Avakyan ölü tapılıb. Faktla bağlı cinayət işi açılıb, ilkin ehtimal intihardır.
Faktla bağlı Ermənistan Cinayət Məcəlləsinin 162-ci maddəsinin 3-cü hissəsi, “özünü öldürmə həddinə çatdırma” maddəsi ilə cinayət işi açılıb.
Hazırda Ermənistan hüquq-mühafizə orqanları rusiyalı həmkarları ilə əlaqə saxlayır.
Sentyabrın 23-də Sankt-Peterburqun Kronştadt Məhkəməsindən qaçan Boris Avakyanın Ermənistan konsulluğunun binasında intihar etdiyi ehtimal edilir. Prokurorluq Avakyanın həbsi barədə vəsatət verdiyi üçün o, əvvəllər həbs-qətimkan tədbiri üçün məhkəməyə gətirilibmiş.
Avakyan gömrük rüsumlarından yayınmaqda (4,2 milyard rubldan çox məbləğdə) ittiham edilib. Daha sonra Əlahiddə Hərbi Əməliyyatlarda iştirakla bağlı Müdafiə Nazirliyi ilə müqavilə bağlandığı üçün iş dayandırılıb.
Lakin keçmiş məmur heç vaxt xüsusi əməliyyat zonasına getmədiyinə görə məhkəmə bu müqaviləyə xitam verb və işin yenidən başlanması barədə vəsatət qaldırıb.
O da bildirilir ki, Boris Avakyan Rusiyada, Ermənistanda, hətta işğal illərində Qarabağdakı keçmiş qondarma qurumda müxtəlif vəzifələrdə çalışıb.
Musavat.com
XƏBƏR LENTİ
03 Oktyabr 2025
ŞƏRHLƏRŞƏRH YAZ