Onlayn ictimai-siyasi qəzet
Rusiyada avtoehtiyat hissələrinin qiyməti kəskin artacaq – Dolların qalxması sənayeni çökdürür
2026-cı ilin əvvəlindən Rusiyada avtomobil ehtiyat hissələrinin qiymətlərində ciddi bahalaşma gözlənilir. Ekspertlərin proqnozuna görə, artım 10–15 faiz civarında olacaq.
Musavat.com xəbər verir ki, qiymətlərin yüksəlməsinin əsas səbəbləri rublun zəifləməsi və ƏDV dərəcəsinin artırılması ilə bağlıdır. İqtisadçıların hesablamalarına əsasən, gələn ilin ilk aylarında dolların məzənnəsi 85–90 rubl səviyyəsinə qalxacaq. Bu, birbaşa olaraq idxal olunan ehtiyat hissələrinin maya dəyərinə təsir edəcək və bazarda qiymətlərin kəskin artmasına yol açacaq.
Mütəxəssislər bildirirlər ki, bahalaşma yalnız xaricdən gətirilən detallar üçün deyil, həm də yerli istehsalda istifadə olunan xammal və komponentlərə təsir edəcək. Bunun nəticəsində avtomobil təmiri və texniki xidmət xərclərinin də bahalaşacağı gözlənilir.
İqtisadçıların fikrincə, yeni şərtlər fonunda istehlakçılar büdcəyə qənaət etmək üçün ikinci əl ehtiyat hissələrinə və qeyri-rəsmi bazarlara üz tutmağa məcbur qalacaqlar. Lakin bu isə keyfiyyət və təhlükəsizlik baxımından əlavə risklər yarada bilər.
Beləliklə, 2026-cı ildən Rusiyada avtoehtiyat hissələri bazarında ciddi sarsıntılar və sosial narazılıqlar ehtimal olunur.
Musavat.com
ƏLAQƏLİ XƏBƏRLƏR
XƏBƏR LENTİ
04 Oktyabr 2025
ŞƏRHLƏRŞƏRH YAZ