Onlayn ictimai-siyasi qəzet
Tanınmış reperə 6 dəfə çağırış vərəqəsi göndərildi - Rusiyada əsgər qıtlığı...
Rusiyada məşhur reper Makan (əsl adı Andrey Kosolapov) hərbi komissarlığın gündəmindədir.
Musavat.com xəbər verir ki, Federal Korrupsiya ilə Mübarizə Layihəsinin rəhbəri Vitali Borodin sənətçini sərt şəkildə tənqid edərək onun mahnılarının qadağan olunmasını tələb edib.
Borodinin sözlərinə görə, Makan hərbi komissarlıqdan gələn 6 çağırış vərəqəsini görməməzlikdən gəlib və bu, cəmiyyət üçün “pis nümunə”dir. O, açıq şəkildə bildirib ki, “belə reperlərə ölkəmizdə yer olmamalıdır”.
Hüquqşünaslar isə qeyd edirlər ki, reperə qarşı qanunsuz hərbi xidmətdən yayınma maddəsi ilə cinayət işi açıla bilər. Bu halda Makan 2 ilə qədər azadlıqdan məhrum edilə bilər.
Bununla yanaşı, ekspertlər vurğulayır ki, mahnıların qadağan olunması yalnız məmurun bəyanatı ilə mümkün deyil və hüquqi əsas tələb edir. Senzura addımlarının reallaşması üçün məhkəmə qərarı və ya qanunvericilikdə dəyişikliklər olmalıdır.
Hadisə Rusiya mədəni mühitində artan senzura və “patriotizm” təzyiqlərinin bariz nümunəsi kimi dəyərləndirilir. Mütəxəssislərin fikrincə, bu təşəbbüs gerçəkləşərsə, ölkədə musiqiçilərin və ümumən incəsənət adamlarının yaradıcılığına qarşı yeni məhdudiyyətlərin tətbiqi istisna olunmur.
Musavat.com
XƏBƏR LENTİ
01 Oktyabr 2025
30 Sentyabr 2025
ŞƏRHLƏRŞƏRH YAZ