Onlayn ictimai-siyasi qəzet
Trampdan gözlənilməz elan: İlon Mask hökumətdən gedir – “Amerika onu unutmayacaq”
ABŞ prezidenti Donald Tramp Ağ Evdə keçirdiyi fövqəladə mətbuat konfransında texnologiya nəhəngi İlon Maskın hökumətdən ayrıldığını elan edib.
Musavat.com ABŞ mediasına istinadla bildirir ki, Oval kabinetdə baş tutan görüş zamanı Tramp Maskın fəaliyyətini tərifləyərək onu “dünyanın yetişdirdiyi ən böyük biznes liderlərindən və yenilikçilərindən biri” adlandırıb.
Mətbuat konfransı zamanı Tramp bildirib:
“İlon Mask hökumətdə çalışdığı dövrdə ölkəmiz üçün əvəzsiz töhfələr verdi. Onun yorulmaz fəaliyyəti və texnoloji bacarığı Amerikanın gələcəyinə yönəlmiş ən böyük sərmayələrdən biri oldu. O, bu ölkəyə olan sevgisini əməli addımlarla sübut etdi.”
Fotoşəkildə Tramp prezident kreslosunda oturaraq jurnalistlərə açıqlama verərkən, İlon Mask onun yanında dayanıb və başı ilə təsdiqləyici şəkildə dinləyir. Mask sadə geyimdə – qara geyim və papaqla mətbuat konfransına qatılıb.
Sky News-un yaydığı məlumata görə, Mask artıq hökumət vəzifələrindən istefa verib və özəl sektorda yeni texnoloji layihələrə fokuslanmağa hazırlaşır. Trampın açıqlamasından belə nəticə çıxarmaq olar ki, ayrılıq dostyana şəkildə baş tutub və tərəflər bir-birinə qarşı minnətdarlıq ifadə ediblər.
Musavat.com
XƏBƏR LENTİ
01 Iyun 2025
31 May 2025
ŞƏRHLƏRŞƏRH YAZ