Onlayn ictimai-siyasi qəzet
İranda “Ya türkçə danış, ya sus” yazısı qalmaqal yaratdı
Musavat.com xəbər verir ki, İranda “Ya türkçə danış, ya sus” ifadəsinin yazıldığı avtomobil şəkli sosial şəbəkələrdə böyük rezonans doğurub.
İranlı regional ekspert Əhsən Movəhədyan sosial mediada İrana məxsus nömrə nişanı olan avtomobilin arxa şüşəsində yazılmış bu ifadənin fotosunu paylaşaraq sərt tənqid edib.
Ekspert bildirib ki, belə şüarlar ölkənin milli təhlükəsizliyinə və kimlik əsaslarına təhdid yaradır:
“Bakıda elə bir adam tapılarmı ki, maşınının üstünə ‘Ya talışca danış, ya sus’ yazsın? İranda belə bir yazının yerləşdirilməsi təhlükəsizlik sisteminin zəifliyini göstərir, ölkənin kimlik əsaslarına zərbə vurur və vətəndaş müharibəsini qızışdırmaq cəhdidir”.
Movəhədyanın sözlərinə görə, bu kimi hallara dövlət strukturları dərhal reaksiya verməli və tədbir görməlidirlər:
“Kəşfiyyat və güc strukturları bu məsələyə qarşı lazımi addımlar atmalıdırlar,” – deyə o vurğulayıb.
Musavat.com
XƏBƏR LENTİ
28 Oktyabr 2025
ŞƏRHLƏRŞƏRH YAZ