Onlayn ictimai-siyasi qəzet
Uğrunda döyüşdüyü Suqovuşanda körpəsi dünyaya gəldi
İşğaldan azad edildikdən sonra Ağdərə rayonunun Suqovuşan kəndində 32 ildən sonra ilk körpə dünyaya gəlib.
Musavat.com xəbər verir ki, bu barədə Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən bildirilib.
Ağdərə rayon Baş Güney kəndində qeydiyyatda olan, 2005-ci il təvəllüdlü Qurbanzadə Pərvanə İsgəndər qızının dünyaya gətirdiyi uşaq qız övladıdır. Suqovuşan kəndində dünyaya göz açan körpəyə Asiya adını veriblər.
Hazırda Tibbi heyət tərəfindən ana və Yeni doğulmuş uşaq (qız) müvafiq tibb müəssisəsinə təxliyə olunub. Xəstəxanada anaya və körpəsinə zəruri tibbi xidmətlər göstərilib. Ananın müalicəsi tibb müəssisəsində davam etdirilir, vəziyyəti stabildir. Cinsi qız, çəkisi 2 kq, 700qr., boyu 49 sm. olan körpənin müalicəsi davam etdirilir. Körpənin də vəziyyəti qənaətbəxşdir.
Qeyd edək ki, körpənin atası Sirac Qurbanzadə müharibə iştirakçısıdır. S.Qurbanzadə 44 günlük Vətən müharibəsində Suqovuşan və Talış istiqamətdə gedən ağır döyüşlərdə iştirak edərək müharibə iştirakçısı medalı ilə təltif olunub.
Qurbanzadə ailəsi bir müddət öncə Suqovuşan kəndində yaşayan yaxın qohumları evinə qonaq gəliblər. Körpə də həmin vaxt dünyaya gəlib.
XƏBƏR LENTİ
26 Iyun 2025
25 Iyun 2025
ŞƏRHLƏRŞƏRH YAZ