Onlayn ictimai-siyasi qəzet
Ukrayna tarix yazdı: Dəniz dronu ilə Rusiya hərbi təyyarəsi vuruldu – Dünyada ilk hadisə
Ukrayna Müdafiə Nazirliyinin Baş Kəşfiyyat İdarəsi (GUR) Rusiya hərbi təyyarəsinin unikal şəkildə – pilotsuz dəniz dronu ilə məhv edildiyini təsdiqləyib.
Musavat.com xəbər verir ki, bu, hərbi texnologiyalar tarixində bir ilkdir.
Rəsmi məlumatda bildirilir ki, 2 may 2025-ci ildə Ukrayna Müdafiə Nazirliyinin xüsusi bölməsi, SBU və Ukrayna Müdafiə Qüvvələrinin birgə əməliyyatı nəticəsində Qara dənizdə Rusiya Hərbi Hava Qüvvələrinə məxsus “Su-30” tipli qırıcı təyyarə “Magura” adlı pilotsuz dəniz aparatının zərbəsi ilə məhv edilib.
"Bu, dünyada ilk dəfədir ki, döyüş təyyarəsi dənizdən idarə olunan dronla vurulur", – deyə GUR-un açıqlamasında qeyd olunur.
Qeyd edək ki, Su-30 tipli hərbi təyyarələrin bazar dəyəri təxminən 50 milyon ABŞ dolları təşkil edir. Ukrayna tərəfi bu hadisəni həm simvolik, həm də texnoloji baxımdan mühüm qələbə kimi qiymətləndirir.
Musavat.com
XƏBƏR LENTİ
04 May 2025
03 May 2025
ŞƏRHLƏRŞƏRH YAZ