Onlayn ictimai-siyasi qəzet
Uşaq dərmanına zəhər qatıldı – 20 uşaq öldü, 5-i ağır vəziyyətdədir
Hindistanda Sresan Pharmaceuticals şirkəti tərəfindən istehsal olunan Coldrif öskürək siropunu qəbul etdikdən sonra azı 20 uşaq ölüb, beşinin vəziyyəti ağırdır.
Musavat.com xəbər verir ki, məlumatı “Hindustan Times” yayıb.
İlk ölüm hadisəsi sentyabrın 2-də qeydə alınıb. Mərkəzi Madhya Pradeş ştatında 14 uşaq ölüb. Bölgənin Səhiyyə Nazirliyinin məlumatına görə, öskürək siropu kəskin böyrək çatışmazlığına səbəb olub və bu, uşaqların ölümünə gətirib.
Tamil Nadu ştatının hakimiyyət orqanları Sresan Pharmaceuticals şirkətini bağlayıb. Şirkət rəhbərliyinə qarşı əvvəlcədən planlaşdırılmayan adam öldürmə, dərman maddələrinin saxtalaşdırılması və Əczaçılıq Məhsulları Qanununu pozma maddələri ilə ittiham irəli sürülüb. Mərkəzi Dərman Vasitələrinə Standart Nəzarət Təşkilatı Coldrifin lisenziyasını ləğv etməyi tövsiyə edib. Hindistanın Maharaştra, Uttar Pradeş, Racastan və Uttarakhand əyalətlərinin hökumətləri onun satışını və istifadəsini qadağan edib.
Davam edən araşdırmalar siropun istehsalında 300-dən çox ciddi pozuntu aşkar edib. Coldrif-də bu maddə üçün icazə verilən hədlər 50 faiz artırılan zəhərli bir maddə, dietilen qlikol aşkar edilib. İstehsal xərclərini azaltmaq üçün şirkət təhlükəsiz əczaçılıq inqrediyentləri əvəzinə onu uşaq şərbətinə əlavə edibmiş.
Musavat.com
XƏBƏR LENTİ
09 Oktyabr 2025
08 Oktyabr 2025
ŞƏRHLƏRŞƏRH YAZ