Onlayn ictimai-siyasi qəzet
Çarə gözümüzün qarşısında imiş - Gündə birini yeyin... ŞOK NƏTİCƏ
Harvard Universitetinin İctimai Sağlamlıq Məktəbi tərəfindən aparılan araşdırmaya əsasən, gündə cəmi 1–2 porsiya meyvə yemək ölüm riskini 20 faizədək azalda bilər.
Musavat.com gündə bir meyvə yeməyin orqanizmə təsiri barədə elmi faktlarla dəstəklənmiş nəticələri təqdim edir:
Ürək-damar sağlamlığını qoruyur
Müntəzəm meyvə yeyən insanlarda ürək-damar xəstəliklərinə tutulma riski əhəmiyyətli dərəcədə azalır. Meyvə yeyənlərdə infarkt riski 25%, insult riski isə 30% daha azdır. Kaliumla zəngin alma, banan, üzüm və portağal kimi meyvələr isə qan təzyiqinin tarazlanmasına kömək edir.
İmmuniteti gücləndirir və enerji verir
Meyvələr C vitamini, fol turşusu, lif və antioksidantlarla zəngindir. Bu maddələr bədəni virus və bakteriyalara qarşı qoruyur, immun sistemini möhkəmləndirir. Xüsusilə qış aylarında müntəzəm meyvə yemək qrip və soyuqdəymə kimi mövsümi xəstəliklərin qarşısını almağa yardım edir. Üstəlik, meyvədəki təbii şəkərlər gün ərzində daha enerjili olmağınıza şərait yaradır. Həzm sistemini dəstəkləyir və dərini qoruyur.
Meyvələrin tərkibindəki təbii lif bağırsaq sağlamlığını qoruyur, həzmi asanlaşdırır. C vitamini ilə zəngin meyvələr dəridə kollagen istehsalını artıraraq daha canlı, parlaq və gənc bir görünüş yaradır.
Əhvalı yaxşılaşdırır
Gündəlik meyvə istehlakı stress səviyyəsini azaldır. Bunun səbəbi meyvələrdəki B vitaminləri və maqneziumun sinir sisteminə sabitləşdirici təsir göstərməsidir.
Musavat.com
XƏBƏR LENTİ
27 Oktyabr 2025
26 Oktyabr 2025
ŞƏRHLƏRŞƏRH YAZ