Onlayn ictimai-siyasi qəzet
Çin səfiri Trampa meydan oxudu: Danışıqların təşəbbüskarı ABŞ tərəfidir
İsveçrədə ticarət və iqtisadi məsələlərlə bağlı ikitərəfli görüşün keçirilməsinin təşəbbüskarı Çin hakimiyyəti deyil, ABŞ administrasiyası olub.
Musavat.com xarici agentliklərə istinadən xəbər verir ki, bu məlumatla Çinin Vaşinqtondakı səfirliyinin mətbuat katibi Liu Penqyu çıxış edib.
O, prezident Donald Trampın danışıq təşəbbüsünün Çindən gəldiyinə dair açıqlamasının doğru olmadığını deyib: “Birincisi, Amerika tərəfi bu yaxınlarda müxtəlif kanallar vasitəsilə Çinə yaxınlaşaraq tariflər və digər əlaqəli məsələlərdə Çinlə qarşılıqlı əlaqə qurmaq istəyini hər şəkildə nümayiş etdirib. ABŞ-ın bəyanatlarını diqqətlə qiymətləndirən Çin danışıqlara razılıq vermək qərarına gəlib. Danışıqlar Amerika tərəfinin təşəbbüsü ilə aparılır . İkincisi, Çin davamlı olaraq ABŞ-ın tariflərdən sui-istifadəsinə qarşı çıxıb. Çin öz qanuni hüquq və maraqlarını qətiyyətlə müdafiə edəcək, beynəlxalq ədaləti və ədalət müharkiməsini, ÜTT qaydalarını və çoxtərəfli ticarət sistemini qoruyacaq. Üçüncüsü, bu tarif müharibəsi ABŞ tərəfindən başladılıb. Əgər ABŞ həqiqətən də danışıqlar yolu ilə həll yolu tapmaq istəyirsə, o, Çinə təzyiqi dayandırmalı və qarşılıqlı hörmət və fayda əsasında danışıqlara başlamalıdır. Çin heç vaxt ABŞ-ın bir şey dediyi və başqa bir şey etdiyi vəziyyətlə barışmayacaq, prinsiplər və ya beynəlxalq ədalət bahasına heç bir razılaşma əldə etməyə çalışmayacaq".
Qeyd edək ki, ABŞ prezidenti Donald Tramp Pekin və Vaşinqtona ikitərəfli ticarət şərtləri ilə bağlı danışıqlara başlamağa imkan vermək üçün Çindən idxal olunan mallara rüsumların endirilməsi imkanını istisna edib. Trampın verdiyi məlumata görə, ticarət və iqtisadi məsələlərlə bağlı İsveçrədə gözlənilən yüksək səviyyəli Çin-ABŞ görüşünün təşəbbüskarı Pekindir.
Musavat.com
XƏBƏR LENTİ
10 May 2025
09 May 2025
ŞƏRHLƏRŞƏRH YAZ