Onlayn ictimai-siyasi qəzet
Zelenskidən AÇIQLAMA: Rusiya 3 istiqamətdə irimiqyaslı hücuma hazırlaşır
Ukrayna prezidenti Volodimir Zelenski Sumı vilayətində rusların işğal etdiyi 18 məntəqədən 6-nın artıq azad edildiyini bildirib.
Musavat.com UNİAN-a istinadən xəbər verir ki, o, bunu jurnalistlərlə söhbəti zamanı cəbhədəki vəziyyəti şərh edərkən deyib:
"Sumi rayonu. Orada 18 məntəqəmiz var idi - işğal olunmuş kəndlər və ya mühüm məntəqələr. 6-sı azad edilib. Yəni biz irəliləyirik. Bu, yaxşı xəbərdir. İki nöqtədə Rusiya ilə sərhədə çatdıq. Düşünürəm ki, az-çox müsbət cəhətlər var. Apostol və Sırski səhər mənə məlumat verdilər. Biz sərhədə doğru daha 900 metrə yaxın ərazini təmizlədik".
Onun sözlərinə görə, Zaporojya vilayətində Müdafiə Qüvvələri “öz mövqelərini qoruyub saxlayır”: "Luqansk vilayəti. Hansı bölmələri deməyəcəm, dəqiq harada olduğunu da deməyəcəm, çünki hadisələr hələ də davam edir, lakin biz düşmənin mövqelərinə bir kilometr irəliləmişik. Xarkov istiqaməti - biz dayanmış vəziyyətdəyik".
O qeyd edib ki, ən çətin vəziyyət Kramatorsk, Dobropolye-Kramatorskdır: "Orada nə baş verdi? Ruslardan ibarət qruplar bir neçə nöqtədə təxminən 10 kilometr irəlilədilər. Hamısı texnikasız, əllərində silahlar var. Bəziləri artıq tapılıb, qismən məhv edilib, qismən ələ keçirilib. Biz yaxın gələcəkdə digərlərini də tapıb məhv edəcəyik. Bu irəliləyişin vəzifəsi bizə aydındır. Avqustun 15-nə qədər müəyyən informasiya məkanı formalaşdırmaq, xüsusilə də Putinlə Tramp arasında görüşdən əvvəl Rusiya, Ukrayna uduzur görüntüsü yaratmaq istəyir”.
Zelenski hər iki tərəfin itkilərini də açıqlayıb: "İtkilərə gəlincə. Dünəndən misal çəkəcəm, ümumiyyətlə, təxminən belədir: rusların hər gün min itkisi var, yəni 500 ölü, 500 yaralı var. İndi demirəm ki, 10 əsir var və sair. Daha dəqiq desək, Rusiya üçün 968 itki - 531 ölü, 428 nəfər yaralanıb, 9 nəfər əsir götürülüb. Bizdə gündə 340 nəfər itkimiz var- 18 "iki yüz" və 243 "üç yüz", 79 itkin. Yəni 1 gündə itkilərin nisbəti: təxminən 1:3, yəni itkiləri üç dəfə çoxdur".
Onun məlumatlarına görə, qoşunların şəxsi heyətinin nisbəti "kəmiyyət baxımından düşmənin xeyrinə" 1:3-ə bərabərdir. Silahlarla bağlı vəziyyətə gəlincə, Zelenski bildirib ki, bu gün təxminən: artilleriya 1:2.4 düşmənin xeyrinə, FPV dronları – 1:1,4 Ukraynanın xeyrinə: "Dronlar üçün kifayət qədər pul yoxdur, ona görə də hələlik nisbət 1:1.4-ə qədərdir, baxmayaraq ki, 1-dən 2.5-ə qədər asanlıqla öz xeyrimizə saxlaya biləcəyimizə inanırıq, hətta 1-dən 4-ə qədər bizim xeyrimizə ola bilər, lakin biz avropalı tərəfdaşlardan maliyyə axtarırıq".
Dövlət başçısı onu da qeyd edib ki, ruslar işğal edə bilmədikləri üçün Sumı istiqamətindən qoşunların Zaporojye və Pokrovsk istiqamətlərinə çəkməyə başlayıblar. Beləliklə, düşmənin canlı qüvvəsi müəyyən istiqamətlərdə artacaq: "Biz hesab edirik ki, onlar üç istiqamətdə hücum əməliyyatına hazırlaşırlar. Əsas istiqamətlər Zaporojye, Pokrovskoe və Novopavlovskedir. İnanırıq ki, Zaporojyeyə 15 minə yaxın əlavə, Pokrovskoyeyə 7 minə yaxın əlavə qüvvə gələcək və ola bilsin ki, 5 min əlavə hərbi qüvvə Novopavlovskoyeyə aparılsın və bura üçüncü istiqamət olacaq. Sumıdakı 53 mindən, biz inanırıq ki, təxminən 30 min nəfər indi bu üç istiqamətə gedəcək. Bu, onların Kursk istiqamətində dayanan ən güclü briqadalarıdır, onlar hərəkət edəcəklər”.
Zelenski bildirib ki, həmin qüvvələr hələ 1 il əvvəldən qeyd etdiyi istiqamətlərdə hücuma keçməliydi: "Biz inanırıq ki, onların bu briqadaları sentyabra qədər hazır olacaq. İnanırıq ki, noyabrda əlavələri də hazır ola bilər. Hesab edirik ki, bu istiqamətlərin hər üçündə hücum planı bir il əvvəl olub və onlar eyni plan və xəritələr üzrə hərəkət edirlər. Kursk əməliyyatı səbəbindən Zaporojye və Pokrovska hücum missiyası bir il gecikdirilib. Onlarda eyni addımları və eyni sayda insana ehtiyac olduğunu görürük. Bir il əvvəl məhz belə davranırdılar, lakin Kursk əməliyyatı səbəbindən qüvvələri bölərək ora köçürməyə başladılar, bizim Rusiyanın daha da dərinlərinə irəliləməyimizdən qorxurdular. Biz də bunu etdik”.
Eyni zamanda o qeyd edib ki, bu ay ərzində bütün istiqamətlərdə ruslar Ukraynaya siyasi təzyiq göstərmək üçün müəyyən irəliləyiş nümayiş etdirməyə çalışacaqlar: “Mən sadəcə olaraq bilmələrini istəyirəm ki, biz bunu başa düşürük və qoşunlarımız buna hazırlaşacaq”.
Musavat.com
XƏBƏR LENTİ
13 Avqust 2025
ŞƏRHLƏRŞƏRH YAZ