Onlayn ictimai-siyasi qəzet
Ermənistan XİN rəhbərindən Lavrova sərt cavab: “Ölkəmizin daxili işlərinə qarışmayın”
Ermənistanın xarici işlər naziri Ararat Mirzoyan Rusiyanın XİN başçısı Sergey Lavrovun son bəyanatlarına sərt cavab verib.
Musavat.com-un məlumatına görə, Mirzoyan açıq şəkildə bildirib ki, Moskva rəsmilərinin Ermənistanın daxili siyasi proseslərinə münasibət bildirməsi qəbuledilməzdir və ölkənin suverenliyinə hörmətsizlikdir.
“Cənab Lavrovun Ermənistan Respublikasının daxili işlərinə və daxili siyasətinə müdaxilə etməsi yolverilməzdir. Biz öz dövlətçiliyimizi qoruyuruq və gələcəyimizə yalnız özümüz qərar verəcəyik,” – deyə Mirzoyan vurğulayıb.
Erməni nazir həmçinin qeyd edib ki, ölkələr arasındakı münasibətlər qarşılıqlı hörmət və bərabərhüquqluluq prinsiplərinə əsaslanmalıdır. Onun sözlərinə görə, Ermənistan heç bir xarici gücün təzyiqini qəbul etmir və milli maraqlarını qətiyyətlə müdafiə edəcək.
Ekspertlərin fikrincə, Mirzoyanın bu bəyanatı Ermənistan-Rusiya münasibətlərində gərginliyi daha da artıracaq və regionda geosiyasi balansın dəyişməsi ehtimalını gücləndirəcək.
Musavat.com
ƏLAQƏLİ XƏBƏRLƏR
XƏBƏR LENTİ
30 Iyun 2025
ŞƏRHLƏRŞƏRH YAZ