Onlayn ictimai-siyasi qəzet
Pakistandan Ukraynaya SƏRT MESAJ: “Qətiyyətlə rədd edirik!”
İslamabad Ukrayna prezidenti Volodimir Zelenskinin Pakistan vətəndaşlarının Ukrayna ərazisində gedən döyüşlərdə iştirak etməsi ilə bağlı iddialarına sərt cavab verib.
Musavat.com xəbər verir ki, Pakistan Xarici İşlər Nazirliyi yaydığı bəyanatda bu iddiaları qəti şəkildə rədd edib.
“Pakistan hökuməti vətəndaşlarının Ukraynadakı müharibədə iştirakı ilə bağlı əsassız ittihamları qətiyyətlə rədd edir”, – bəyanatda qeyd olunub.
Nazirlik əlavə edib ki, indiyə qədər Ukrayna tərəfindən rəsmi olaraq heç bir müraciət daxil olmayıb və bu cür iddiaları əsaslandıracaq heç bir sübut təqdim edilməyib.
Qeyd edək ki, bir müddət əvvəl Ukrayna prezidenti Volodimir Zelenski də bu yöndə açıqlama verib.
Pakistan tərəfi isə bəyan edib ki, ölkə Rusiya-Ukrayna müharibəsinin BMT Nizamnaməsinə və beynəlxalq hüquqa uyğun şəkildə, sülh yolu ilə həllini dəstəkləyir.
Musavat.com
XƏBƏR LENTİ
05 Avqust 2025
ŞƏRHLƏRŞƏRH YAZ