Onlayn ictimai-siyasi qəzet
Rumıniya ABŞ-dən yüzlərlə ağıllı bomba alır
Rumıniya ABŞ-dan GBU-39/B idarə olunan yüksək dəqiqlikli bombalar sifariş edib.
Musavat.com xəbər verir ki, məlumatı “defenceromania.ro” saytı məlumat yayıb.
Söhbət 84 milyon avro dəyərində 400 ədəd GBU-39/B idarə olunan bomba paketindən gedir. Bu yüksək dəqiqlikli bombaları ilə Mixail Koqalniçeanu aviabazasında (Konstanta dairəsi) yerləşən F-16 Fighting Falcon qırıcıları təchiz ediləcək. Boeing müqavilənin təsdiqlənməsi üçün ABŞ Konqresinə sorğu göndərib.
Portal qeyd edir ki, bu bombalar F-35 də daxil olmaqla müxtəlif tipli təyyarələr tərəfindən daşına bilər. Müşahidəçilər satın almanın vacibliyini vurğulayırlar, lakin qeyd edirlər ki, 400 bomba şiddətli qarşıdurma zamanı yalnız bir neçə günlük müharibə üçün kifayət edər, ona görə də bu, sövdələşmənin yalnız ilk mərhələsi ola bilər.
Rumıniya bu yaxınlarda 186 ədəd AIM-120 AMRAAM orta mənzilli hava-hava raketi, həmçinin F-16 Fighting Falcon qırıcılarında istifadə olunmaq üçün nəzərdə tutulan 299 ədəd AIM-9X SIDEWINDER qısa mənzilli hava-hava raketi alıb.
Musavat.com
XƏBƏR LENTİ
03 Avqust 2025
02 Avqust 2025
ŞƏRHLƏRŞƏRH YAZ