Onlayn ictimai-siyasi qəzet
Rusiya DAYANMIR: Azərbaycanlı ailə DEPORT EDİLDİ, iş adamının evinə OMON BASQINI - CANLI
Moskva Bakını ölkələr arasında münasibətləri strateji müttəfiqlik səviyyəsinə qaytarmaq üçün tədbirlər görməyə çağırır. Rusiya XİN-in rəsmi nümayəndəsi Mariya Zaxarova bildirib.
Moskva Kiyevin Rusiya ilə Azərbaycan arasında münasibətləri pozmaq və gərginlik yaratmaq cəhdlərini görür. Rusiya Prezidentinin mətbuat katibi Dmitri Peskov deyib.
O bildirib ki, Ukrayna Rusiya ilə Azərbaycan arasında yaranmış vəziyyəti daha da qızışdıracaq. Peskov onu da qeyd edib ki, Moskva Bakını təhdid etmir: “Rusiya Azərbaycanı heç vaxt təhdid etməyib və etmir”.
Onun sözlərinə görə, hadisələrin kökündə “cinayətlərin, o cümlədən azərbaycanlılara qarşı törədilmiş cinayətlərin açılması istiqamətində görülən işlər” dayanır.
“Qafqazda hər şey barıt üzərində qurulub. Bir ehtiyatsız hərəkət və partlayış olacaq”. Rusiya Dövlət Dumasının deputatı Andrey Luqovoy deyib.
“İran ətrafında eskalasiya başlayanda Cənubi Qafqazın da alovlanacağı aydın idi. Belə oldu. Yandırdılar və başladı. Yekaterinburqda xüsusi xidmət orqanlarımız güclü əməliyyat keçirib: onlar etnik mütəşəkkil cinayətkar qrupun onlarla üzvünü saxlayıb. Qətllər, surroqat ticarət, biznesdə “daydaylıq”- hər şey sənədləşdirilib, hər şey qanuna uyğundur. Və birdən - Bakıdan diplomatik isteriya. Azərbaycan hakimiyyəti Rusiyanı qəddar hərəkətlərdə ittiham edib və Rusiya tədbirlərini: tamaşaları, konsertləri, hətta “Şelkunçik”, “Düyməcik”, “Master və Marqarita”nı qadağan edib. Türkiyə və Azərbaycan mediası da buna qoşulub və açıq şəkildə Rusiyanı zorakılıqda ittiham edir, Azərtac dövlət xəbər agentliyi isə ölkəmizi 1930-cu illərdəki nasist Almaniyası ilə müqayisə edir. Bu artıq reaksiya deyil, birbaşa siyasi hücumdur. Bəs bütün bu söz-söhbətlər necə başladı? Arxasında yeraltı barlar, fahişəxanalar və bütün bu yalançı diaspor biznes mühiti olan etnik mafiyanın boğazından yapışmaqdan çəkinmədiyimiz üçün? Biz onlara qanunla gələndə isə onların Bakı, İstanbul, Londonla əlaqələri üzə çıxdı. Bu, birinci dəfə deyil. İngiltərə hələ 19-cu əsrdə rüşvətxorluq, emissarlar və yalan məlumatlar vasitəsilə Qafqaza mərc etdi. O vaxtdan bəri üsullar dəyişməyib. Yalnız indi ingilis zabitlərinin əvəzinə türk vəkilləri və cinayət keçmişi olan “hörmətli iş adamları” var. Bakıda öz evimizi təmizlədiyimiz üçün üzr istəməyimizi gözləyirlərsə, qoy bunu unutsunlar. Rusiya sürünmür!” - o bildirib.
TVMusavat-ın bu gün saat 16:00-da canlı yayımlanan “Həftə içi” verilişində aparıcı Emil Salamoğlu gündəmi müzakirə edir.
https://www.facebook.com/tvmusavat
https://www.youtube.com/@musavattv
XƏBƏR LENTİ
03 Iyul 2025
02 Iyul 2025
ŞƏRHLƏRŞƏRH YAZ