Onlayn ictimai-siyasi qəzet
Rusiya və ABŞ arasında tunel çəkiləcək – layihə hazırlanır
Rusiya İnvestisiya Fondunun rəhbəri Kirill Dmitriyevin sözlərinə görə, Rusiya və ABŞ-ı birləşdirə biləcək tunelin texniki-iqtisadi əsaslandırması üzərində iş 6 aydır davam edir.
Musavat.com xarici mediaya istinadla xəbər verir ki, Rusiya prezidentinin ABŞ-la danışıqlar üzrə xüsusi nümayəndəsi vəzifəsini də icra edən Kirill Dmitriyev bəyan edib ki, Rusiya ilə Alyaska arasında tunel layihəsinin texniki-iqtisadi əsaslandırılmasına hazırlıq altı ay əvvəl başlayıb.
“Biz artıq altı aydır ki, Rusiya-Alyaska tunelinin tikintisinin texniki-iqtisadi əsaslandırmasını həyata keçiririk”, - Dmitriyev sosial media platforması X-də yazıb.
Bundan əvvəl ABŞ prezidenti Donald Tramp Vladimir Zelenski ilə görüşü zamanı tunel ideyasını “maraqlı” adlandırmışdı. Ukrayna lideri cavab verdi ki, o, bu həvəsi bölüşmür.
Rusiya və ABŞ arasında tunel layihəsi ölkələr arasında əməkdaşlığın mümkün yeni mərhələsinin simvolu kimi qiymətləndirilir, lakin hələlik rəsmi detallar açıqlanmır.
Musavat.com
XƏBƏR LENTİ
18 Oktyabr 2025
ŞƏRHLƏRŞƏRH YAZ