Onlayn ictimai-siyasi qəzet
Sel suları bir neçə dəqiqə ərzində dağ kəndini yox etdi - GÖRÜNTÜLƏR
Hindistanın şimalındakı Uttarxand əyalətində baş verən güclü leysan yağışları faciəyə səbəb olub.
Musavat.com xəbər verir ki, dağlıq Dharali kəndində sel və torpaq sürüşməsi nəticəsində azı 4 nəfər həlak olub, 50 nəfər isə itkin düşüb.
Rəsmi qurumların yaydığı məlumata görə, aramsız yağıntılar nəticəsində ərazidə torpaq sürüşməsi və güclü daşqınlar qeydə alınıb. Dağlardan sürətlə axan sel suları kənddəki evləri, hotelləri və qonaq evlərini yuyub aparıb. Yerli telekanalların yayımladığı kadrlarda şəhərin su altında qalması, insanların panika içində qaçması və polisin əhaliyə çaylardan uzaq durmaqla bağlı xəbərdarlıq etməsi əks olunub.
Şahidlərin sözlərinə görə, 10-12 nəfər dağıntılar altında qalıb. Ümumilikdə 20-dən çox hotel və qonaq evinin su altında qaldığı bildirilir. Polis və xilasedicilər əhalini, həmçinin heyvanları təhlükəli ərazidən uzaq durmağa çağırır.
Uttarxand ştatının baş naziri Puşkar Sinq Dhaminin verdiyi açıqlamada bildirilir ki, hadisə yerinə axtarış-xilasetmə qrupları göndərilib.
“Dharalidəki dağıntılar ürək ağrıdır. Bütün komandalar ərazidə səylə işləyir. Hər kəsin təhlükəsizliyi üçün dua edirəm”, – deyə baş nazir bildirib.
Musavat.com
XƏBƏR LENTİ
07 Avqust 2025
ŞƏRHLƏRŞƏRH YAZ