Onlayn ictimai-siyasi qəzet
“Tomahavk”üçün mobil buraxılış qurğuları yaradıldı
“Tomahavk” raketlərinin istehsalçısı olan “Oshkosh Defence” şirkəti Amerika Ordusu Assosiasiyasının (AUSA) sərgisində “Tomahavk” qanadlı raketləri üçün avtonom mobil buraxılış qurğusunu təqdim edib.
Musavat.com xəbər verir ki, məlumatı şirkət yayıb.
Bildirilir ki, “sistemlər tam işlək vəziyyətdədir və seriya istehsala hazırdır”.
“Oshkosh Defence” proqramının meneceri Pat Uilyams bildirib ki, "Ordu avtonom, yükdən asılı olmayan platformalara ehtiyacı aydın şəkildə müəyyən etdi və bu imkanlar artıq hazırdır":
“Oshkosh” çoxmissiyalı avtonom avtomobillər ailəsi ordunun cari ehtiyaclarını ödəmək üçün genişlənə bilən muxtariyyət və faydalı yük daşıma qabiliyyətini təmin edən, eyni zamanda dəyişən döyüş meydanı şərtlərinə uyğunlaşmaq üçün çeviklik təklif edən sübut edilmiş taktiki maşınlara əsaslanır”.
Oktyabrın 13-dən 15-dək davam edəcək sərgidə “Oshkosh Defence” şirkəti dörd “Tomahavk” qanadlı raketi daşıya bilən avtonom buraxılış qabiliyyətinə malik X-MAV mobil buraxılış qurğusunu da təqdim edib.
Ötən həftə ABŞ prezidenti Donald Tramp Ukraynaya “Tomahavk” qanadlı raketlərinin tədarükü ilə bağlı qərarın praktiki olaraq qəbul edildiyini bildirərək, Rusiya ilə münasibətlərdə gərginliyi artırmaq istəmədiyini, bu qanadlı raketlərin necə və hansı hədəflərə qarşı istifadə ediləcəyini aydınlaşdırmağa çalışacağını qeyd edib.
Musavat.com
ƏLAQƏLİ XƏBƏRLƏR
XƏBƏR LENTİ
14 Oktyabr 2025
ŞƏRHLƏRŞƏRH YAZ