Onlayn ictimai-siyasi qəzet
Tramp ABŞ Konstitusiyasını pozdu - bu qəribə açıqlamanı verdi
ABŞ Prezidenti Donald Trampın son açıqlaması ölkədə və beynəlxalq ictimaiyyətdə ciddi rezonans doğurub. Musavat.com xəbər verir ki, Reuters agentliyinin yaydığı məlumata əsasən, Tramp, ABŞ-da qeyri-qanuni yaşayan immiqrantlara və digər vətəndaş olmayan şəxslərə Konstitusiyanın təmin etdiyi hüquqların – xüsusən də “due process” adlanan qanuni prosedur hüququnun şamil olunub-olunmaması barədə “əmin olmadığını” bildirib.
Bu bəyanat ABŞ Konstitusiyasının 5-ci və 14-cü düzəlişlərinə zidd kimi qiymətləndirilir. Həmin düzəlişlərə görə, hər kəs – vətəndaş olub-olmamasından asılı olmayaraq – hökumət tərəfindən qanunsuz həbs və ya deportasiya edilməzdən əvvəl hüquqi proseslərdən keçmək hüququna malikdir.
Tramp administrasiyası isə bu hüquqları məhdudlaşdıraraq, ölkədə qeyri-qanuni yaşayan immiqrantların və qeyri-vətəndaşların daha sürətli şəkildə deportasiyasını həyata keçirmək niyyətindədir. Bu məqsədlə bəzi məhkəmə prosedurlarının aradan qaldırılması və federal agentliklərə daha geniş səlahiyyətlərin verilməsi gündəmdədir.
“ABŞ vətəndaşı deyilsə, Konstitusiya onu qoruyurmu?”
Prezident Trampın sual formasında verdiyi bu açıqlama ölkənin hüquqşünas dairələrində və insan haqları təşkilatlarında dərin narahatlıq doğurub. “American Civil Liberties Union” (ACLU) təşkilatı bu yanaşmanın hüquqi dövlət prinsipinə zidd olduğunu bəyan edib və belə bir addımın immiqrasiya məhkəmələrinin legitimliyinə zərbə vuracağını bildirib.
Hüquq müdafiəçiləri Trampın bu fikirlərinin ABŞ-ın demokratik və hüquqi sisteminə ciddi təhdid təşkil etdiyini deyirlər. Onların fikrincə, vətəndaşlıq statusundan asılı olmayaraq, insan hüquqları bəşəri prinsiplərə əsaslanır və hüququn aliliyi hər bir fərd üçün təmin olunmalıdır.
Prezident Trampın ikinci prezidentliyi dövründə immiqrasiya siyasəti daha da sərtləşib. O, ABŞ-Meksika sərhədində divarın tikintisini sürətləndirmək, sığınacaq müraciət edənlərin hüquqlarını məhdudlaşdırmaq və deportasiya proseslərini sürətləndirmək üçün bir sıra fərmanlar imzalayıb.
Hazırkı ritorika isə bu siyasətin ideoloji və konstitusion çərçivələrdən çıxarılaraq daha sərt və populist istiqamətə yönəldiyini göstərir.
Musavat.com
XƏBƏR LENTİ
05 May 2025
04 May 2025
ŞƏRHLƏRŞƏRH YAZ