Onlayn ictimai-siyasi qəzet
Tramp fikrini dəyişdi: ABŞ İsrailin İranla müharibəsinə qoşula bilər – BBC-nin təhlili
Musavat.com xəbər verir ki, BBC Rus xidmətinin yayımladığı geniş təhlildə ABŞ Prezidenti Donald Trampın son günlərdə İranla bağlı mövqeyində ciddi dəyişiklik olduğu vurğulanır. Əgər hələ bir həftə əvvəl Tramp İranı nüvə silahı istehsalından imtina etməyə çağırırdısa, bu gün o, İsrailin İranın nüvə obyektlərinə zərbələrinə qoşulmağı müzakirə edir.
Təhlildə qeyd olunur ki, Trampın ritorikasında dəyişiklik diqqətdən yayınmır. O, bir tərəfdən İranla razılaşma istəyir, digər tərəfdən isə Tel-Əvivin hücumlarını dəstəkləyəcəyinə işarə edir. Bu, ekspertlər tərəfindən “ikili oyun” kimi qiymətləndirilir və Trampın həm diplomatik, həm də hərbi yolla nəticə əldə etməyə çalışdığı ehtimal edilir.
Məqalədə İsrailin hərbi imkanları da təhlil olunur. Ekspertlərin fikrincə, İsrail təkbaşına İranın dərin bunkerlərdə yerləşən nüvə obyektlərini tamamilə məhv edə biləcək imkanlara malik deyil. Bu səbəbdən ABŞ-ın texniki və logistik dəstəyi olmadan əməliyyatın tam effektli olacağedilir.
Əgər ABŞ İsrailin əməliyyatlarına qoşulsa, bu Yaxın Şərqdə genişmiqyaslı müharibənin başlanmasına səbəb ola bilər. İran artıq İsrailə cavab hücumları həyata keçirib və açıq şəkildə bəyan edib ki, ABŞ-ın müdaxiləsi regionda ABŞ bazalarını da legitim hədəfə çevirəcək.
Eyni zamanda, ABŞ daxilində də bu məsələyə münasibət birmənalı deyil. Konqresdə və Senatda Trampın İrana qarşı hərbi fəaliyyətə qoşulmaq qərarına ciddi suallar və müxalif mövqelər var.
BBC-nin sualları açıq qalır:
• Tramp sonda diplomatiyanı seçəcək, yoxsa hərbi gücə üstünlük verəcək?
• ABŞ İsraillə birgə İranın nüvə infrastrukturlarını hədəfə alacaqmı?
• Bu, üçüncü böyük Yaxın Şərq müharibəsinə çevrilə bilərmi?
Məqalənin yekununda bildirilir ki, vəziyyət son dərəcə həssasdır və Trampın verəcəyi qərar təkcə ABŞ və İran üçün deyil, bütün region üçün ciddi nəticələr doğura bilər.
Musavat.com
XƏBƏR LENTİ
19 Iyun 2025
ŞƏRHLƏRŞƏRH YAZ