Onlayn ictimai-siyasi qəzet
Trampın Putinlə gizli razılaşması Avropanı qorxuya saldı - DETALLAR
ABŞ prezidenti Donald Trampın Rusiya prezidenti Vladimir Putinlə əldə etdiyini iddia etdiyi razılaşmalar Avropa liderləri arasında ciddi narahatlığa səbəb olub. Bu barədə Financial Times qəzeti diplomatik mənbələrə istinadən yazır.
Musavat.com xəbər verir ki, nəşrin məlumatına görə, Avropa İttifaqının bir sıra yüksək səviyyəli rəsmiləri Trampın bəyanatlarını “şokedici” və “çox təhlükəli” qiymətləndiriblər. Onlar ehtiyat edirlər ki, Tramp, əgər yenidən hakimiyyətə gələrsə, Ukrayna ilə bağlı Rusiya ilə tələsik bir razılaşmaya imza ata bilər. Bu razılaşmanın isə Putinin maksimalist tələblərinə güzəştə gedərək, Ukraynanın maraqlarını qurban verəcəyi ehtimal olunur.
Məqalədə qeyd olunur ki, Trampın Putinlə telefon danışığından sonra verdiyi açıqlamalar ABŞ-ın vasitəçi rolundan geri çəkildiyini göstərə bilər.
“Trampın tonu və ‘proqres əldə olunub’ fikri Vaşinqtonun mövqeyində ciddi dəyişikliyin siqnalı kimi qəbul olunur”, – deyə Financial Times yazır.
Xatırladaq ki, Tramp daha əvvəl münaqişəni tez bir zamanda bitirmək üçün “diplomatik təşəbbüslər” irəli sürdüyünü bildirmiş və bunu “biabırçı müharibə” adlandırmışdı. Onun bu cür ritorikası Avropa paytaxtlarında ABŞ-la birgə siyasi kursun gələcəyi barədə suallar doğurur.
Avropa liderləri Trampın bu mövqeyinin NATO-nun birliyini və Ukraynaya verilən dəstəyi zəiflədə biləcəyindən ehtiyat edirlər. ABŞ-da keçiriləcək növbəti prezident seçkilərinin nəticələri isə bu gərginliyin daha da artmasına səbəb ola bilər.
Toğrul İSMAYIL,
Musavat.com
XƏBƏR LENTİ
20 May 2025
19 May 2025
ŞƏRHLƏRŞƏRH YAZ